مەشقی هاوبەشی دەریایی ئێران و چین
مەشقی هاوبەشی کۆپاپۆڕەکانی ئێران و چین ئەمڕۆ یەکشەممە بە ئامانجی گۆڕینەوەی ئەزموونی هێزەکانی دوو وڵات لە ئاوەکانی تەنگەی هورموز و دەریای عومان بەڕێوە دەچێت.
دەریادار ئەمیر حسێن ئازاد، فەرماندەی ناوچەی یەکەمی هێزی دەریایی ئەرتەشی ئێران لە بەندەری عەباس لەباشووری ئێران نووسی : ئاستی پێوەندی سیاسی و دیپلوماسی بەرگرییانەی ئێران و چین لە پێناو دابین کردنی ئاسایش و دەستەبەر کردنی ئاسایش و پاراستنی ئاواەکانی دەورووبەری ئوقیانووسی هیند و چوار ڕێیانی دەریایی بە چەشنێکە کە لەباری بەرگری و ئاسایشی یەکتر یارمەتی دەدەن .
دەریادار ئازاد وتیشی: هێزی دەریایی دوو وڵات بۆ بەرەنگاربوونەوەی دیاردەی نگریسی چەتەی دەریایی وبەرگری لە پاپۆڕەکانی جەنگی و هەروەها ئوپراسیۆنی فریاگوزاری و ڕزگارکردنی هاوبیروڕایی و گۆڕینەوەی زانیاری باشیان هەیە.
ناوبراو پێداگری کرد : لە پرسەکانی نێونەتەوەییش هاوڕەوتی سیاسی زوری لە نێوان دوو وڵات و گەلی ئێران و چین هەیە.
دەریادار ئادمیرال شن هائو فەرماندەی کۆپاپوڕی هێزی دەریایی چینیش باسی بەڕێوە چوونی مەشقی هاوبەشی سەربازی کرد وەک یەکێک لەبەرنامەکانی پێش بینی کراو و پێداگری کرد جێبەجێ کردنی سەرکەوتوانەی مەشقەکە وڕای یارمەتیدانی خێرا لە دۆستایەتییەکان دەبێتە هۆی بەرزبوونەوەی ئاستی هاوکارییەکان وبەهێز بوونی زۆرتر لە ڕابردووی متمانە لەنێوان هێزی دەریایی دوو وڵات .
کۆپاپۆڕی چین ڕۆژی پێنج شەممە پێکهاتوو لە کۆپاپۆڕی چانگ چونگ کۆپاپۆڕی پشتیوانی ، کۆپاپۆڕی سەربازی ژین زوو هاوڕێ لەگەڵ کۆپتەرێک لە ناوچەی یەکەمی ئیمامەتی هێزی دەریایی ئەرتەشی ئێران لە بەندەری عەباس لەنگری خست.
