سەرتیپ ئەشتەری: ئاسایشی ئێراق، ئاسایشی ئێرانە
فەرماندەی هێزی ئینتیزامیی کۆماری ئیسلامیی ئێران وتی : ئێران ئاسایش و ڕێکەوتنی ئێراق بە ئاسایش و پێشکەوتنی خۆی دەزانێ.
سەردار سەرتیپ حسێن ئەشتەری فەرماندەی هێزی ئینتیزامی ئێران ڕۆژی یەکشەممە لە چاوپێکەوتن لەگەڵ قاسم ئەعرەجی وەزیری ناوخۆی ئێراق لە تاران وێڕای ڕێزگرتن لە خۆڕاگری خەڵک و سوپای ئێراق لە بەرامبەر تاقمە تیرۆریستییەکان وتیشی : پۆلیسی ئێران ئامادەیە ئەزموونەکانی خۆی بخاتە بەردەستی پۆلیسی ئێراق و لە ئەزموونی پۆلیسی ئێراق لەبەرامبەر تیروریستان کەڵک وەرگرێ.
سەرتیپ ئەشتەری وتی : هێزی ئینتیزامیی ئێران لە بواری جۆربەجۆر ئامادەی گۆڕینەوەی زانیارییەکان و ئەزموونەکان، بەرەنگار بوونەوەی تاوانە بەرنامەبۆکراوەکان و دانی هەرچەشنە فێرکارییەک بە پۆلیسی ئێراقە.
فەرماندەی هێزی ئینتیزامیی ئێران ، ئێران و ئێراقی بە خاوەن ئامانجی هاوبەش وەسف کرد و وتی : دوو وڵات دەبێ وێڕای پاراستنی سەربەخۆیی هەوڵ بدەن بیانییەکان لە ناوچەکانیان دوو بکەنەوە و پاشماوەی داعش لە ناوبەرن .