پێشوازیی ڕەسمی روحانی لە ئەردوغان
حەسەن رۆحانی سەروکی کۆماری ئیسلامیی ئێران بەشێوەی ڕەسمی پێشوازی کرد لە ڕەجەب تەیب ئەردوغانی سەرۆکی تورکیا لە کۆمای فەرهەنگی و مێژوویی سەعدئابادی تاران .
حەسەن روحانی و رەجەب تەیب ئەردواغان ڕۆژی چوارشەممە دوای خوێندرانی سروودی نەتەوەیی دوو وڵات لە یەکەی تەشریفات سانیان دیت و ددوایی شاندەکانی باڵای هاوڕێ بە یەکتر ناسێندران.
دوای ڕێ وڕەسمی پێشوازی ڕەسمی ، وتووێژی دوولایەنەی سەرۆک کۆمارانی ئێران و تورکیا سەبارە ت بە پەرەی پێوەندی دوو لایەنە و گرینگترین پرسەکانی ناوچەیی و نێودەوڵەتی دەستپێکرا .
بڕیارە کۆبوونەوەی شاندەکانی باڵا و ئەنجومەنی باڵای هاوکاری ستراتژیکی ئێران و تورکیا بەسەرۆکایەتی سەرۆک کۆمارانی دوو وڵات پێک بێت و چەند بەڵگەی هاوکاری دوو لایەنە لە نێوان ئێران و تورکیا مۆر بکرێت .
سەرۆک کۆماری تورکیا ئەمڕۆ چوارشەممە هاوڕێ لەگەڵ شاندێکی باڵا بۆ چاوپێکەوتن لەگەڵ کاربەدەستانی کۆماری ئیسلامیی ئێران گەیشتە تاران .
رەجەب تەیب ئەردوغان بڕیارە سەرباری وتووێژ سەبارەت بە پەرەی هاوکاری ئابووری و گواستنەوەی بیروڕا لەسەر پرسەکانی ناوچەیی و نێودەوڵەتی سەبارەت بە ریفراندۆمی جیابوونەوەی هەرێمی کوردستانی ئێراق ، لەگەڵ کاربەدەستانی باڵای ئێرانیش وتووێژ بکات .