زەریف: ئێران لە هیچ چەشنە هاوکارییەک بۆ بنیات نانی ئێراق درێخی ناکات
وەزیری دەرەوەی ئێران وتی : کۆماری ئیسلامیی ئێران هەر ئەو جۆرەی کە بۆ بەرەنگار بوونەوەی تیرۆریستان لە تەنیشت دەوڵەت و گەلی ئێراق بووە، لە بنیات نانەوەی ئێراقیشnh لە هیچ هاوکاری و بەشدارییەک درێخی ناکات .
محەممەد جەواد زەریف وەزیری دەرەوەی ئێران ڕۆژی چوارشەممە لە پەراوێزی کۆنفرانسی نێودەوڵەتی بنیات نانەوەی ئێراق لە کوێت لە دیدار لەگەڵ حەیدەر عەبادی سەرۆک وەزیران وتی : ئێراق شەریکی گرینگی سیاسی و ئابووری بۆ ئێرانە .
زەریف بە ئاماژەدان بە هۆگری گەل و دامەزراوەکانی ئابووری و بازرگانی ئێرانی بەرامبەر ئامادەبوون لە ئێراق ، هیواداری دەربڕی ئاستی هاوکارییەکانی دوو وڵات بەتایبەتی لە بواری ئابووری و بازرگانی گەشەیەکی سەرنج ڕاکێشی هەبێت.
حەیدەر عەبادی سەرۆک وەزیرانی ئێراقیش لەم دیدارەدا ، دەوری کۆماری ئیسلامیی ئێران بۆ بەرەنگار بوونەوەی داعش و ئازاد کرانی خاکی ئێراق لە دەستی تیرۆریستانی بە سەرنج ڕاکێش و بێ وێنە وەسف کرد .
حەیدەر عەبادی هەروەها بەشداری کۆمپانییەکانی ئێرانی لە ئۆپراسیۆنی بنیات نانەوەی ئێراق و جێبەجێ کردنی پڕۆژەکانی عومرانی بە گرینگ و جێی پێزانین زانی .
کونفرانسی نێونەتەوەیی بنیات نانەوەی ئێراق لە ڕۆژی دووشەممە دوازدەی فڤرییەوە بۆ ماوەی سێ ڕۆژ لە کوێت بە بەشداری چالاکانی بانکی، بازرگانی و کاربەدەستانی سیاسی زۆرتر لە پەنجا وڵاتی جیهان دەستی بەکارکردووە.
