ئەمریکا ، هاوبەشی تاوانکاریی هاوپەیمانیی سەعوودیا لە یەمەن
سێناتۆری ئەمریکی، حکومەتی ئەمریکای لەبەر داکۆکی چەکئامێریی لە ڕیاز، بەهاوبەشی تاوانکارییەکانی عەرەبستانی سەعوودی لە یەمەن زانی.
بەپێی ڕاپۆری هەواڵدەریی میسر، "بێرنی سەندێرز" سێناتۆری سەربەخۆی ئەمریکی وتی کە حکومەتی ئەمریکا بەپاڵپشتی لە هاوپەیمانیی عەرەبی بەسەرکردایەتی عەرەبستان بۆ هێرش کردنەسەر یەمەن ، هاوبەشی تاوانکارییەکانی رژیمی ئالی سەعوودە.
سەندێرز، لەکاردانەوە بەپەلاماری فڕۆکە جەنگییەکانی عەرەبستان وئیمارات بۆسەر پاسێکی هەڵگری منداڵانی یەمەنی لە سەعدە، وتی: واشنگتۆن بەداکۆکیی چەکئامێری و ڕەخساندنی بارودۆخی تێکردنی سووتەمەنی بۆ فڕۆکە جەنگییەکانی هاوپەیمانی عەرەبی و یارمەتییە پراکتیکییەکان لەو تاوانەدا هاودەستە.
وەزارەتی دەرەوەی ئەرمیکا لەکاردانەوە بەو پەلامارە بێ ئیدانەکردنی داوای لە عەرەبستان کرد، لەوبارەوە لێکۆڵینەوەی بەوردیی و تۆکمە بخاتەڕوو.
وەزارەتی تەندروستیی یەمەن ڕایگەیاند، بەهۆی پەلاماری رۆژی پێنج شەممەی فڕۆکە جەنگییەکانی هاوپەیمانی دەسدرێژکاران بە سەرکردایەتی عەرەبستان بۆسەر پاسی هەڵگری منداڵانی یەمەنی لە شاری "ضیحان" ی سەر بە پارێزگای سەعدە، پەنجا کەس کوژران و حەفتاو حەوت کەسیش بریندار بوون.
