ناردنی دووسەد تون دەرمان و کەرەستەی پزیشکی لە ئێرانەوە بو عەتباتی عالیاتی ئێراق
سەرۆکی ناوەندی پزیشکی حەج و زیارەتی مانگی سووری ئێران وتی : دووسەد تون دەرمان و کەرەستەی پزیشکی ئێران لەوان چوارسەد چەشن دەرمان و هەشتا چەشن کەرەستەی پێویست، ڕۆژی چوارشەممە بۆ عەتباتی عالیاتی ئێراق، هەناردە کرا.
بەپێی ڕاپۆرتی ئیرنا، سەید عەلی مەرعەشی، لە پەراوێزی ناردنی لۆری مانگی سوری ئێران بۆ عەتباتی عالیاتی ئێراق وتیشی : دوازدە هەزار کەس لەوان فریاگوزاران، پسپۆڕان و هاوکارانی مانگی سوری ئێران لە پێکهاتەکانی جەماوەرین کە بۆ فریاگوزاری لە ئێراق، ڕەوانە دەکرێن.
مەرعەشی ژوماری بنکەکانی مانگی سوری ئێرانی لە عەتباتی عالیاتی ئێراق چل بنکە ڕاگەیاند و وتیشی : یەکەم تاقمی وەڕێ خستنی نەخۆشخانەکانی مانگی سوری ئێران دوێنێ سێ شەممە بۆ ئێراق نێردران و تاقمەکانی دیکەش لە ڕۆژانی داهاتوو بەرەو ئەم وڵاتە دەکەونە ڕێ.
بیستەمی مانگی سەفەریی 1440ی کۆچی ، ئەربەعینی شەهادەتی حەزرەتی ئیمام حسێن (ع) ئیمامی سێیەمی شیعەکانی جیهان و یارەکانی بەوەفای بەڕێزیان لە سارای کەربەلایە.
ملوێنان زیارەتکار لەسەرانسەری جیهان ئەو ڕۆژە بۆ ئامادەبوونی لە ڕێ وڕەسمی ئەربەعینی حسێنی دەگەنە شاری کەربەلا لەباشووری ئێراق .
بەپێی ئامارەکانی ڕەسمی سەرچاوەکانی ئێراقی نیزیکەی چواردە ملوێن زیارەتکار لە ڕێ وڕەسمی ئەربەعینی ساڵی 2017 بەشدارییان کرد.