زەریف: هیچ ڕێککەوتنێکی تازە بە بێ پێبەندی بە ڕێککەوتنی ئەتۆمی نایەتە ئاراوە
وەزیری دەرەوەی کۆماری ئیسلامیی ئێران شەوی ڕابردوو لە کاردانەوە بە داخوازی ئەورووپاییەکان لەمەڕ وتووێژ و گەیشتنە تەبایی لەگەڵ ئێران راشکاوانە ڕایگەیاند:" هیچ چەشنە ڕێککەوتنێکی نوێ بە بێ پێبەندی بە ڕێککەوتنی ئەتۆمی نایەتە ئاراوە.
بە پێی ڕاپۆرتی ئیرنا: "محەممەد جەواد زەریف" لە تویتەرەکەیدا بە ئاماژە بە بێ دەسەڵاتی سێ وڵاتی ئەورووپایی لە بەجێ هێنانی بەڵێن و ئەستۆ گرییەکانیان بە بێ ئیزنی ئەمریکا لە مانگی مەیی ٢٠١٨ـەوە تەواو دەرکەوت، نووسی؛ ڕێگای چارەسەر کردنی ئەو کەم و کوڕییە، ویست و ورەیەکی گشتی بۆ دانانی ڕێگایەکی سەربەخۆ، دووپات نەکرانەوەی بێ تێفکرتینی بانگەشە بێ بنەماکانی ئەمریکا و دژایەتی نەکردن لەگەڵ ڕێککەوتنی ئەتۆمیی ئێرانە.
بەریتانیا، فەرەنسا و ئەڵمان شەوی ڕابردوو لە بەیاننامەیەکی هاوبەشدا خۆیان بە لاگری ڕێککەوتنی ئەتۆمیی ئێران پێناسە کرد و داوایان لە ئێران کرد بگەڕێتەوە سەر جێبەجێ کردنی هەموو بەڵێن و ئەستۆگرییەکانی بەرامبەر بەم ڕێککەوتنە.
ترۆییکانی ئەورووپایی لە درێژەدا جەختیان کرد کاتی ئەوە گەیشتووە کە ئێران دانوستانی درێژخایەن سەبارەت بە بەرنامەی ئەتۆمی و هەروەها پرس و بابەتە ئەمنییەکان لەوان بەرنامە مووشەکییەکەی قەبووڵ بکات.
