ئەردوغان: تورکیا ئەگەر پێویست بێت لە مووشەکی ئێس چوارسەد کەڵک وەردەگرێ
سەرۆکی تورکیا ڕایگەیاند : ئەگەر پێویست بێ بەجیاتی یارمەتی وەرگرتن لە ئەمریکا، لە مووشەکی ئێس چوارسەد کەڵک وەردەگرین.
بەپێی ڕاپۆرتی ڕۆژی چوارشەممەی هەواڵدەریی سپوتنیک ، رەجەب تەیب ئەردوغان، وتی ک مووشەکەکانی ئێس چوارسەد کە لە ڕووسیای دەکڕین، بۆ هەمیشە لە هەمارەکان نامێننەوە و ئەگەر بەرەو ڕووی پەلاماری ئەگەری بینەوە لەجیاتی چاوەڕوانی و متمانەی سەربازی بە ئەمریکا، لەم چەکانە کەڵک وەردەگرین .
ئەردوغان وتیشی : ئەنقەرە چەندین ساڵ لە ئەمریکا داوای کردووە سیستمی مووشەکی هاوچەشن بخاتەبەردەستی هێزەچەکدارەکانی تورکیا بەڵام کۆنگرێسی ئەمریکا لە ناردنی ئەم کەرەستانە خۆی بواردووە .
واشینگتۆن بەرلەمە وشداری دابووە ئەنقەرە بەرامبەر کڕینی مووشەکی ئێس چوارسەد و ڕایگەیاند بوو ئەم پرسە دەتوانێ کارتێکەری نەرێنی هەبێت لەسەر ڕێککەوتنی دوووڵات لەسەر فڕۆکەجەنگییەکانی بەرەی پێنجەمی ئێف سی و پێنج .
دەوڵەتی تورکیا لە کاردانەوە بەرامبەر ئەم هەڕەشانەی ئەمریکا ڕایگەیاند بوو ، بایکۆتی ئەگەریی تورکیا بە پێچەوانەی هاوکاری وڵاتانی ئەندامی ڕێکخراوی پەیمانی ئاتلانتیکی باکوورییە کە تورکیا حەفتا ساڵە ئەندامیەتی و لەوانەیە پێوەندی نێوان ئەنقەرە و واشینگتۆن ئاڵوز بکات .