کۆتایی هاتنی سێهەمین جڤینی پەرلەمانەکانی ئوراسیا لە تورکیا
سێهەمین جڤینی پەرلەمانەکانی وڵاتانی ئەندامی یەکیەتی ئوراسیا شەوی سێشەممە لەسەر چوارشەممە لە شاری ئانتالیای تورکیا بە بڵاوکردنەوەی بەیانامەیەک کۆتایی بە کاری خۆی هێنا .
بە پێی راپۆرتی ئیرنا ، لە بەیاننامەی کۆتایی ئەم کۆبوونەوەدا ، جەخت کراوە لەسەر هاریکای نێوان پەرلەمانەکانی وڵاتانی ئەندام لە بواری پاراستنی ژینگە ، گەشەی پاوەجێ و پەرەسەندنی هاریکاریی ئابووری .
هەروەها بڕیار درا چوارەمین کۆبوونەوەی پەرلەمانەکانی وڵاتانی ئەندامی یەکیەتی ئوراسیا لە شاری ئاستانەی پێتەختی وڵاتی کازاخستان بەڕێوەچێ .
سێهەمین کۆبوونەوەی نێوان پەرلەمانەکانی وڵاتانی ئوراسیا رۆژانی دوشەممە وسێشەممە بە ئامادەبوونی سەرۆک پەرلەمانەکانی 20 وڵات و شاندە پەرلەمانیەکان لە 17 وڵاتی ئاسیایی و ئوروپاییەوە لە ئانتالیتا بەڕێوەچوو .
بابەتی سەرەکیی ئەم دانیشتنە ، هاریکاری ئابووری لە ئوراسیا ، ژینگە و گەشەی پاوەجێ دیاری کرا و ئامانجیشی لێکدانەوەی گەشەی پاەجێ لە ئاستی جیهانی و ناوچەیی و بەرزکردنەوەی ئاستی هاریکاری نێودەوڵەتی بۆ بەرپەرچدانەوەی لەمپەرەکانی راگێندرا .
عەلی لاریجانی سەرۆکی مەجلیسی ئێران لە سێهەمین کۆبوونەوەی نێوان پەرلەمانەکانی ئوراسیا ، وتی: ئەمریکاو رژیمی ئیسرائیل هۆکاری تێکچوونی ئاسایشی جیهانین و ئەو چەشنە کردە یەکلایەنخوازانە لەمەڕ هەڵس وکەوت کردن لەگەڵ پرسە جیهانییەکان، کێشەو گرفتی بەربڵاوی بۆ کۆمەڵگای جیهانی بەدیهێناوە.
لاریجانی وتیشی: چوونەدەری نایاسایی لە ڕێککەوتنی ئەتۆمی، بڕیاری حکومەتی ئەمریکا لەمەڕ ڕاگەیاندنی قودس وەک پایتەختی رژیمێکی ناڕەوا، چوونەدەر لە پەیمانی ئاووهەوایی پاریس و تێکدانی سیستەمی گومرک نامەیی تیجارەتی جیهانی لەوێنەی کردە پڕکێشەکانی ئەمریکا لە جیهان دایە.
