ئەردۆغان : حەفتەر جێگەی متمانە نیە
سەرۆکی تورکیا رایگەیاند ژەنەڕاڵ حەفتەر فەرماندەی هێزەکانی رۆژهەڵاتی لیبی کەسێکی جێی متمانە نیە .
بە پێی راپۆرتی هەواڵدەریی ئاناتۆڵی ، رەجەب تەییب ئەردۆغان کە لە نوێژی هەینی شاری ئەستەموڵ بەشداری کردبوو گوتی : ناکرێ متمانە بە حەفتەر بکرێ ، ئەو لە دوێنێوە پەلامارەکانی سەر لیبی دەسپێکردووەتەوە .
ئەردۆغان لە بەشێکی دیکەی قسەکانیدا بە ئاماژە بە کوژرانی سێ لەشکەریی تورکیا لە باکووری رۆژهەڵاتی سوریا گوتی : ئانکارا لە بەرامبەر ئەم پەلامارانە وڵام ئەداتەوە .
بڕیارە کۆنفڕانسی ئاشتیی لیبی بە ئامادەبوونی ئەردۆغان ، پوتین سەرۆکی روسیاو ، فایز سیڕاج سەرۆک وەزیرانی حکومەتی یاسایی لیبی و خەلیفە حەفتەر فەرماندەی سەرهەڵداوانی نەیاری حکومەت بەڕێوە بچێ .
تورکیا لە لاگرانی سەرەکیی حکومەتی ویفاقی نیشتمانیی لیبیە و پەرلەمانی تورکیا ماوەیەک لەمەوبەر مۆڵەتی ناردنی هێزی سەربازیی تورکیا بۆ لیبی دەرکرد .