کاردانەوەی ڕووسیا بە سزا نوێکانی ئەمریکا لەدژ مۆسکۆ
وتەبێژی وەزارەتی دەرەوەی ڕووسیا لەکاردانەوە بە گەمارۆی نوێی ئەمریکا بەدژ مۆسکۆ وتی: واشنگتۆن لەهەوڵی تەریک خستنەوەی ڕووسیا لەئاستی جیهانییە.
بەپێی ڕاپۆری هەواڵدەریی ئیرنا، ماریا زاخارۆوا دوێنێ یەکشەممە بەپێداگری لەسەر ئەوەی کە هیچ هۆیەک لەئارادانییە بۆ سەپاندنی سزای نوێ بەسەر ئەمریکا، وتی: ڕووسیا تەنیا لەبەر ئامادەبوونی کاریگەری لە گۆڕەپانی جیهانی بایکۆت دەکرێ.
نیکی هیلی نوێنەری ئەمریکا لەڕێکخراوی نەتەوەکان دوێنێ یەکشەممە وتی: ئەمریکا لەمەڕ بارودۆخی سووریا گەمارۆی نوێ بەسەر ڕووسیا دادەسەپێنێ.
هیلی وتیشی: وردییاتی ئەو سزاو گەمارۆیانە رۆژی دووشەممە ڕادەگەیێندرێ.
وەزارەتی خەزێنەداریی ئەمریکا شەشی ئاڤریل لەدوا کردەی دژ بە مۆسکۆ٢٤بەرپرس و شارومەندی ڕووسی و١٤کۆمپانیای حکومەتیی ڕووسیای بایکۆت کرد.
وڵاتانی رۆژاوایی لەساڵی٢٠١٤دا بڕێک گەمارۆی بەسەر ڕووسیادا سەپاند و بەردەوام ئەو سزایانەی قورستر کردووە.
لەبەرامبەرداو بۆ وەڵامدانەوە بەوگەمارۆدرانە، مۆسکۆ کردەی سنوورداری خۆی جێ بەجێ کردووە.