روسیا بە توندی وەڵامی ئەردۆغانی دایەوە
شوبات 16, 2020 08:42 Asia/Tehran
جێگری وەزیری دەرەوەی روسیا توند وەڵامی سەرۆکی تورکیای دایەوە سەبارەت بەوەی رایگەیاند روسیا لە پشت شەڕی لیبیاوەیە.
میخائیل بۆگدانۆڤ رایگەیاند کە لێدوانەکانی رەجەب تەیب ئەردۆغان سەبارەت بەوەی رووسیا جەنگی لیبیا بەڕێوە دەبات لەگەڵ راستیدا ناگونجێت.
بۆگدانۆڤ کە پلەی نێردەی تایبەتی سەرۆکی روسیایە هەیە لە رۆژهەڵاتی ناوەڕاست و باکوری ئەفریقیا بە رۆژنامەنوسانی ڕاگەیاند "ئەو قسەیە لەگەڵ راستی یەک ناگرێتەوە، نازانم ئەم زانیاریە لە کوێوە هاتووە".
پێشتر ئەردۆغان رایگەیاندبوو کە نوێنەرانی سەربازی ڕووسیا چالاکییە سەربازییەکانی تایبەت بە لیبیایان بە دەستەوەیە.
