جێگیربوونی حەشدی شەعبی ئێراق لەسەرسنورەکانی وڵاتەکەی لەگەڵ سووریا و ئەردەن
حوزه‌یران 19, 2017 14:28 Asia/Tehran
هەواڵدەریە ئێراقیەکان باسیان لە جێگیربوونی هێزی حەشدی شەعبی ئێراق کرد لە سەرسنوورەکانی وڵاتەکەی لەگەڵ سووریاو ئەردەن .
بەپێی ڕاپۆرتی ڕۆژی یەکشەممەی سومەریە نیووزی ئێراق، سەرچاوەکانی ئاسایشی لە پارێزگەی ئەنبار کە هاوسنوور لەگەڵ سوریایە، ڕایانگەیاند : هێزی حەشدی شەعبی دزەی خۆیان لەم ناوچەیە پەرەپێداوە و بە یارمەتی گاردی سنووریی ئێراق ، چاوەدێری خۆیان بەسەر ناوچە سنوورییەکان زۆرتر کردووە.
بەپێی ئەم ڕاپۆرتە هێزی حەشدی شەعبی لە بوارگەی وەلید و تەرایبیل لە نیزیکی ئەردەن سەقامیان گرتووە.
هێزی خۆڕاگری سوریا هەشتەمی ژووئەنی ئەم مانگە لە باشووری پارێزگەی حومس لە سوریا گەیشتوونەتە سنووری ئێراق و هێزی ئێراقیش دوو ڕۆژ لەمەوبەر خۆیان گەیاندووەتە سنورەکانی سوریا .
