چاوپێکەوتنی نوێنەری تایبەتی ڕێکخراوی نەتەوەکان لە ئێراق لەگەڵ عەبادی و بارزانی
یان کوبیش نوێنەری تایبەتی سکرتێری گشتیی ڕێکخراوی نەتەوەکان لە ئێراق لەگەڵ حەیدەر عەبادی سەرۆک وەزیران و مەسعوود بارزانی سەرۆکی هەرێمی کوردستانی ئێراق بەشێوەی جیاجیا دیدار و وتووێژی کرد.
بەپێی ڕاپۆرتی هەواڵدەریی فارس، نووسینگەی سەرۆک وەزیرانی ئێراق لە بەیاننامەیەک دا ڕایگەیاند: نوێنەری تایبەتی ڕێکخراوی نەتەوەکان لە ئێراق ڕۆژی دووشەمە لە چاوپێکەوتن لەگەڵ حەیدەر عەبادی سەبارەت بە شەڕ بە دژی داعش، سەرکەوتنەکان، ڕەوتی تۆکمە کرانی ئازادکردنی ناوچە بەجێماوەکان لە دەستی تەکفیرییەکان و ڕەوشی سیاسی ئێستای ئێراق، وتووێژی کرد .
نوێنەری تایبەتی ڕێکخراوی نەتەوەکان هەروەها لە چاوپێکەوتن لەگەڵ سەرۆکی هەرێمی کوردستانی ئێراق لە هەولێریش بیروڕای ئەم ڕێکخراوەیەی سەبارەت بە رفراندۆمی هەرێم و وتووێژی نێوان هەولێر و بەغدا پێشکەش کرد بەڵام مەسعوود بارزانی جارێکی تر پێداگری کرد رفراندۆم لە بەرواری دیاریکراوی دا بەڕێوە دەچێت .
سەرباری نەیارەتی ناوخۆیی و ناوچەیی ، هۆشیار زێباری بەرپرسی دۆسیەی رفراندۆم لە هەرێمی کوردستان و وەزیری دەرەوەی پێشووی ئەم وڵاتە وتی : هەوڵەکان بۆ بەڕێوە چوونی ئەم کۆپرسیە درێژەی هەیە و ئەم کۆپرسییە بیست و پێنجەمی سپتەمبەر واتە چەند ڕۆژێکی تر بەڕێوە دەچێت و هەموو پێشەکییەکانی تەکنیکی و ئیداری و سیاسی ئەم کۆپرسییە لەبەرچاو گیراوە.
ئەمەش لەحاڵێکدایە کە زۆربەی کوردەکانی ئێراق نەیاری بەڕێوە چوونی رفراندۆمی هەرێمن لەبەرواری بیست و پێنجەمی سپتەمبەر لە هەرێمی کوردستانی ئێراق و هەرلەم چوارچێوەیەش کەمپێنی " نەخێر لە ئێستا" لە ناوچە جۆربەجۆرەکانی هەرێمی کوردستانی ئێراق چالاکی دەکەن.