ئیبراهیم جەعفەری: کوردەکان خولیای پێکهێنانی وڵاتێکی گەورەی کوردستانیان هەیە لە ٥ وڵات دا
بە نزیک بوونەوەی کاتی بەڕێوە چوونی ڕێفراندۆم لە هەرێمی کوردستانی عێراق وەزیری دەرەوەی ئەو وڵاتە ڕایگەیاند، رێفراندۆم لە هەرێمی کوردستانی عێراق بە تەواویی بە پێچەوانەی دەستووری عێراقە و وەک هەرەشەیک دژی ئاسایش ویەکپارچەیی ئەو وڵاتە دێتە ئەژمار .
بە گویرەی ڕاپۆرتی سومەرییە نیوز، ئیبراهیم جەعفەری، وەزیری دەرەوەی عێراق ڕایگەیاند، ڕێفراندۆم لە هەرێمی کوردستانی عێراق پێویستی بە جێ و شوێنێکی یاساییە و دەستووری ئەو وڵاتە بە هیچ جۆرێک ئەمە بە یاسایی نازانێت .
وەزیری دەرەوەی عێراق جەختیکرد: کردەوەگەلێک وەک بەڕێوە بردنیی ڕێفراندۆم هەرەشە لە هەموو ناوچەکانی عەرەبی دەکات هەر بۆیە کۆمکاری عەرەب بەرامبەر ئەم چەشنە کردەوەگەلەی کە ئیسرائیل لایەنگری لێ دەکات، ڕاوەستاوە .
ئەو وتیشی: برگەی یەکەمی دەستووری عێراق جەختدەکاتە سەر ئەوەی کە عێراق وڵاتێکی یەکپارچە و خاوەن سەروەرییە و هەرشتێک کە سەروەریی عێراق و یەکپارچەییەکەی بخەوشینێت ، نایاساییە .
بەر لەوە ئەنجوومەنی وەزارەتیی کۆمکاری عەرەب لەگەڵ گەڵاڵەی عێراق بۆ نەیاریەتی لەگەڵ ڕێفراندۆم لە هەرێمی کوردستان و نادەستووری بوونی ، ڕەزامەندی دەربڕیبوو . وەزیری دەرەوەی عێراق لە وتووێژ لەگەڵ بەرنامەی" بەکاتی قاهیرە" وتیشی: کۆمەڵگەی کورد لە ژمارێک لە وڵاتان لە سوریا ، تورکیا ، ئیران و تەنانەت ڕوسیادا نیشتەجێن کەوابوو بەرێوە بردنی ڕێفراندۆم لە هەرێمی کوردستانی عێراق هەرەشە لە ئاسایشی عیراق و ناوچەی عەرەبی دەکات و گرفتگەلێک بەدی دینێت . جەعفەری جەختیکرد ، لە سەردەمی سەددام دا، لە سەدا ١٣ی بووجەی گشتیی وڵات تەرخان درابوو بە کوردەکان و ئێستایش گەییشتۆتە لە سەدا ١٧ و ڕەنگە لە سنووری لە سەدا ٢٠ یش تێپەڕی بێت ، بەڵام ئاشکرا نەبووە .
