بەڕێوە چوونی دانیشتنی هاوئاهەنگی بەرگری و ئاسایشی ئێران و ئێراق بۆ ڕێ و ڕەسمی ئەربەعین
دانیشتنی هاوئاهەنگی بەرگری و ئاسایشی ئێران و ئێراق بۆ ڕێ و ڕەسمی ئەربەعین بە ئامادە بوونی بەرپرسان و کاربەدەستانی دوو وڵات لە بەغدا بەڕێوە چوو .
بە گوێرەی ڕاپۆڕتی ڕۆژی دووشەمە ی ئێرنا؛ ئیرەج مەسجدی باڵوێزی کۆماری ئیسلامی ئێران لە بەغدا و سەرۆکی ئەرکانی ئەربەعینی ئێران لە ئێراق وێڕای ڕێز گرتن لە هەوڵەکان و میوانداریەتیەکانی دەوڵەت و نەتەوەی ئێراق وتی : لە سای هاودڵی و هاوکاری نزیک لە نێوان دەوڵەت و نەتەوەی ئێران و ئێراق ، ڕێ و ڕەسمی ئەربەعینی ئەمساڵیش بە شۆر و بەربڵاوی هەرچی زۆرتر بەڕێوە دەچێ . قاسم ئەعرەجی وەزیری ناوخۆی ئێراقیش لەو دانیشتنەدا بە وتنی ئەوەی کە ئێران لە هەموو قەیرانەکان وەک پشتیوانێک لە پاڵ نەتەوەن و دەوڵەتی ئێراق دا بووە جەختی کرد لە سەر پەرەی پەیوەندی دوو لایەنە لە هەموو بوارەکاندا . عرفان مەحموود ئەلحەیالی " وەزیری بەرگری ئێراقیش لە و دانیشتنەدا وتیشی بە بەشداری هەموو هێزە سەربازی و ئاسایشیەکانی ئێراق بریتی لە ئەرتەش ،پولیسی فیدڕاڵ، خەبات بە دژی تڕوڕیزم و حەشدی شەعبی و گەڵاڵەگەلێکی تایبەت کە جێ بە جێ دەکرێت، ئەربەعینی ئەمساڵیش بە بێ کێشەی ئاسایشی و بە باشترین شێوە بەڕێوە دەچێت . هەروەها دوو لایەن باسەکان و تەوەرە جۆراوجۆرەکانی هاوپەیوەند بە هاوکاری و هاوئاهەنگی بەرگریکاری و ئاسایشی تایبەت بە ڕێ و ڕەسمی ئەربەعینی ئەمساڵیان لێک دایەوە . بە پێی ئامارە فەرمیەکانی ژێدەرە ئێراقیەکان نزیکەی 14 ملوێن زیارەتکار لە ریپیوانی زیارەتی ئەربەعینی ساڵی ڕابڕدوو بەشداریان کرد کە زیاتر لە دوو ملوێن کەس لەوان ئێرانی بوون . 20 مانگی سەفەری 1440 کوچی مانگی واتە سی ئوکتوبری 2018 ، ئەربەعین شەهادەتی حەزرەتی ئیمام حسین -ع- ئیمامی سێهەمی شێعەکانی جیهان و یارانی ئەمەگداری بەڕێزیان لە سارای کەربەلایە ؛ ملوێنان زیارەتکار لە سەرانسەری جیهان لەو ڕۆژدا بۆ ئامادە بوون لە ڕێ و ڕەسمی ئەربەعینی حسێنی -ع- دەچنە شاری کەربەلا لە باشووری ئێراق .