ئێران بوو بە پاڵەوانی پێشبڕکێی جیهانی بە پلیکاندا هەڵزنین
کانونی یه‌که‌م 08, 2018 16:15 Asia/Tehran
وەرزشکارانی ئێرانی لە پێشبڕکێی جیهانی بەپلیکاندا هەڵزنین پلەی پاڵەوانییان بەخۆتەرخان دا.
بەپێی راپۆری هەواڵدەریی ئیرنا، لە بەشی خانمانی پێشبڕکێی جیهانی بەپلیکاندا هەڵزنین، "سەمانە ئیسفەندیاری" لە ئێران، "ئێوا ئیزابێل" لەئاڵمان و "پەریسا ئیبراهیمی" لە ئەفغانستان وەک کەسانی یەکەم هەتا سێهەم هەڵبژێردران.
لە بەشی پیاوانیشدا، "ئیمان کوشکی"، "حامید ئیرانخا" لە ئێران بەڕێز پلەی یەکەم و دووهەمیان بەدەست هێناو "عەبباس موسەوی" لە ئەفغانستان پلەی سێهەمی بەخۆتەرخان دا.
پێشبڕکێی جیهانیی بەپلیکاندا هەڵزنین بەئامادەبوونی باڵوێزانی نیکاراگوا، سریلانکا، فیلیپین، قبرس، بەنگلادش و بەشداربووانێک لە ئینگلیز، سوئیس، فەرانسە، بولگاریا، سوریا، ئۆرۆگۆئە، ئەفغانستان، ئەندۆنزی، ئاڵمان و ئێران رۆژی هەینی لەتاران بەڕێوە چوو.
