SAHAR

نیوەڕۆی ئەمڕۆ هەینی نێچیرڤان بارزانی سەرۆکی ئیدارەی هەرێمی کوردستان پەیامێکی سه‌ره‌خۆشی بۆ خانه‌واده‌ی خوالێخۆشبوو نه‌وشیروان مسته‌فا و بزووتنه‌وه‌ی گۆڕان نارد.

لە پەیامەکەی نێچیرڤان بارزانیدا هاتووە "به‌ بۆنه‌ى کۆچى دوایی خوالێخۆشبوو نه‌وشیروان مسته‌فاوه‌، پرسه‌ و سه‌ره‌خۆشى له‌ ئه‌ندامانى خانه‌واده‌ و که‌سوکار و دۆست و هاوڕێیانى به‌ڕێزیان و بزووتنه‌وه‌ى گۆڕان ده‌که‌م. هاوسۆز و به‌شدارى خه‌متانم، خواى گه‌وره‌ خوالێخۆشبوو بخاته‌ به‌ر ڕه‌حمه‌تى خۆى".

سەرۆکی حکومەتی هەرێم هیوای خواست بزووتنه‌وه‌ى گۆڕان و لایه‌نگرانى نه‌وشیروان مسته‌فا بۆ خزمه‌تى کوردستان و ئامانجه‌ هاوبه‌شه‌کانى گه‌لی کوردستان به‌رده‌وام بن.

سەعات 8ی بەیانی ئەمڕۆ هەینی، نەوشیروان مستەفا ڕێکخەری گشتیی بزوتنەوەی گۆڕان لە ماڵەکەی خۆیدا لە گردی زەرگەتەی سلێمانی بە نەخۆشی و لە تەمەنی 73 ساڵیدا کۆچی دوایی کرد.