ئه‌یلوول 12, 2019 16:57 Asia/Tehran
  • قەرزی ٨٠ملیاردۆلاری بەغدا بە هەولێر

گوتەبێژی حکومەتی هەرێمی کوردستان ڕایگەیاند دەوڵەتی ناوەندی عێراق ٨٠ ملیار دۆلاربە حکوومەتی هەرێم قەرزدارە.

بە گوێرەی ڕاپۆڕتی کوردپرێس، جووتیار عادل گوتە بێژی  حکومەتی  هەرێمی کوردستان لە پرێس کۆنفرانسێک لە هەولێر جەختیکرد لە سەر دانەوەی قەرزی ٨٠ ملیار دۆڵاری بە هەولێر لە لایەن دەوڵەتی ناوەندی  عێراق .

ئەو لەبارەی ناکۆکیی لە سەر بووجەی ٢٠٢٠ـی عێراق و بەرەبەشی هەرێمی کوردستان لەو ،گوتی:  هەرێمی کوردستان بە دوای ڕێککەوتنە لەگەڵ دەوڵەتی ناوەندی عێراق بە مەرجێک کە هەموو مووچەی کوردستان دەستەبەر بکرێت و بۆ ئەم مەبەستە بریارە لیژنەیەک لە هەولێر سەردانی بەغدا بکات.

ئەو پاشەکەوت بەشێک لە مووچەی کارمەندانی هەرێمی کوردستانی وەک یەک لەتەوەرەکانیی وتووێژەکانی هەولێر و بەغدا زانی و گوتی: ئێمە مووچەی کارمەندان و مووچە خۆرانی دیکەمان نەپچراندووە و ئەمە بەغدا بوو کە ئەم کارەی کرد و ڕادەی ئەویش ٨ تا ٩ ملیار دۆلارە.

گوتە بێژی حکومەتی هەرێمی کوردستان جەختیکرد دەوڵەتی ناوەندی عێراق قەرزداری هەرێمە و بووجەی هێزەکانی پێشمەرگە،بەشێک لەم قەرزەیە کە لە ساڵی ٢٠٠٥ەوە نەدراوە و تا بە ئەمڕۆ ٨٠ ملیاردۆڵاڕی هەرێمی کوردستان بە لای دەوڵەتی ناوەندییە.