سه‌رۆکی ئیداره‌ی ژینگه‌ی سه‌لاسێی باوه‌جانی ڕایگه‌یاند: ئاگر که‌وتنه‌وه‌که‌ی دارستانه‌کانی سه‌لاسێی باوه‌جانی کۆنترۆڵ کراوه‌.

به‌ پێی ڕاپۆرتی ئاژانسی مێهر، مه‌نسور ئاته‌شی به‌ ئاژانسی مێهر وتی: له‌ دوو شه‌و پێش ئێستاوه‌ کاری کۆنترۆڵی ئاگر له‌ دارستانه‌کانی سه‌لاسێی باوجانی ده‌ستی پێ کردووه‌، سه‌ره‌تا تیمی فریاگوزاری له‌ گوندی گۆیژه‌وه‌ ده‌ستیان به‌ ئاگر کوژرانه‌وه‌ کرد و دواجار له‌ گوندی دۆڵی ده‌ڕه‌ کۆتایی پێ هات.

ئه‌و زیادی کرد: ئه‌م ئاگره‌ زۆره‌ به‌ پشتیوانی خودا و یارمه‌تی خه‌ڵکی ناوچه‌که‌ و فه‌رمانبه‌رانی له‌خۆبردووی ئیداره‌ی ژینگه‌ و پۆلیسی ناوچه‌که‌ کۆنترۆڵ کرا.

سه‌رۆکی ئیداره‌ی ژینگه‌ی سه‌لاسێی باوه‌جانی وتی: له‌ هه‌وڵه‌کانی فه‌رمانداری به‌ڕێزی شاره‌که‌ و سه‌رۆکی گشتی ئیداره‌ی ژینگه‌ی کرماشان سپاس ده‌که‌ین که‌ به‌رده‌وام پشتیوانی ئێمه‌یان کرد و خۆیان راسته‌وخۆ سه‌رپه‌رشتی ئه‌م کاره‌یان کرد. ئه‌مه‌ بووه‌ هۆی ئه‌وه‌ی که‌ خه‌ڵک و فه‌رمانبه‌رانی ئیداره‌کان به‌ وه‌ره‌یه‌کی به‌رزته‌وه‌ به‌ره‌وڕووی ئاگره‌کان ببنه‌وه‌.

ئه‌ولە  کۆتاییدا جه‌ختی کرد: کۆنترۆڵی ئه‌م ئاگره‌ دێجگار کارێکی گرنگ بوو چون ده‌یتوانی به‌ ئاسانی به‌ره‌و ناوچه‌ دارستانییه‌کانی دیکه‌ی شاره‌ کوردییه‌کان بڕوات که‌ ئه‌وکات زه‌ره‌ر و زیانی زۆری به‌ ژینگه‌ی زاگڕۆس ده‌گه‌یاند. 

شایانی باسه‌ که‌ ئیداره‌ی ژینگه‌ی سه‌لاسی باوجانی ڕایگه‌یاندووه‌ که‌ دواتر ورده‌کاری زیانه‌کانی ناوچه‌که‌ و ئاگر که‌وتنه‌وه‌که‌ به‌ خه‌ڵک ڕاده‌گه‌یه‌نن.

Aug 12, 2017 15:33 Asia/Tehran
بۆچوونت