• زەریف : لە کۆبوونەوەی شانگهای دا جەخت کرایەوە لەسەر جێبەجێ کرانی بەڵێنە بەرجامیەکان

وەزیری دەرەوەی ئێران بە ئاماژە بە داکۆکی رێکخراوی هاریکاریی شانگهای لە بەرجام گوتی : لەم کۆبوونەوەدا ، رێککەوتن کرا لەسەر کەڵکوەرگرتنی ئێران لە باشیە ئابووریەکانی بەرجام و جێبەجێ کرانی بەڵێنەکانی روسیا ، چین و وڵاتانی ئوروپایی ئیمزاکەری ئەم رێککەوتنە ناڤۆکیە .

موحەمەد جەواد زەریف ئێوارەی یەکشەممە لە پەراوێزی سەردانی حەسەن روحانی سەرۆک کۆماری ئێران بۆ چین لە وتوێژ لە گەڵ ئێرنادا گوتی : لەم سەردانەدا جیا لە راگێندرانی هەڵوێستەکانی کۆماری ئیسلامیی ئێران لە لایەن روحانیەوە ، داکوکی کرا لە بەرجامیش وەک رێکەوتنێکی نێودەوڵەتی .

زەریف وتیشی : لەم سەفەرەدەدا دەرفەتی دیدار و وتووێژی روحانی لە گەڵ سەرۆک کۆمارانی روسیا و چین وەک دوو لایەنی بەرجام رەخسا کە تیایدا ، لە بارەی بارودۆخی ئێستا و چۆنیەتی درێژەدان بە هاریکاری بەلەبەرچاوگرتنی چوونەدەری ئەمریکا لە بەرجام و چۆنیەتی داکۆکی کردن لەوپەیمانە و ئەرکی لایەنەکان وتووێژ کرا .

هەژدەهەمین  دانیشتنی   سەرانی ڕێکخراوی هاوکاری شانگهای  لە چینگ دائو   ڕۆژی یەکشمە  بە وتاردانی سەرۆک کوماری چین  دەس پێکرا .

بەرەنگارر بوونەوەی تڕوڕیستان و توند ڕویی  و گەشەی  هاوکاریەکانی  ئابووری  لە تەوەرەکانی یدکەی  ئەو دانیشتنەیە . لە دانیشتنی  ڕێکخراوی هاوکاری  شانگهای  ڕێبەران  و سەرانی هەشت وڵاتی  ئەندام   و چوار  وڵاتی ئێران  ئەفغانستان  بلاڕووس  و موغولستان وەک چاودێر ئامادەن . ڕێکخراوی هاوکاری شانگهای لە ساڵی 2001 لە لایەن  چین  ڕووسیا  کازاخستان  قڕقیزستان  تاجیکستان و ئوزبەکستان بە مەبەستی  هاوکاریەکانی چەن لایەنەی  ئاسایشی  ئابووری  و فەرهەنگی  بە مەبەستی   دامەزراندنی هاوسەنگی لە هەمبەر  کنەی  ئەمریکا و ناتو لە ناوچە دامەزرا .

سەرپەیڤ

Jun 11, 2018 13:40 Asia/Tehran
بۆچوونت