• لەناوبرانی تیمێکی تیرۆریستیی لە کرماشان

وەزارەتی ئیتلاعاتی کۆماری ئیسلامیی ئێران لە ڕاگەیێندراوێکدا ، هەواڵی لەناوبرانی تیمێکی تیرۆریستی بڵاوکردەوە کە لەسنوورە رۆژاواییەکان هاتبوونە نێو وڵات و لەماڵێکدا جێگیر ببوون.

بەپێی راپۆری ئاژانسی هەواڵیی ڕادیۆ وتەلەفزیۆنی ئێران، وەزارەتی ئیتلاعاتی ئێران ئەمرۆ شەممە لەڕاگەیێندراوێکدا رایگەیاند: بەهۆی هەوڵی پسپۆریی هێزە ئاسایشییەکانی ئێران، تیمێکی تیرۆریستی لە کرماشان، کەوتەبەر پێوشوێن گرتنی بەتەواوەتی هێزەکانی ئیتلاعات و دوو کەس لەوان لە تێکهەڵچوونی چەکدارانە، کوژران.

ئەو ڕاگەیێندراوە هەروەها ڕایدەگەیێنێ: لەو تیمە تیرۆریستییە چەند چەک، نارنجۆک، چەکئامێر و بەڵگەی نهێنی دۆزرایەوەو دەستیان بەسەرداگیرا.

لەدرێژەی ڕاگەیێندراوەکەی وەزارەتی ئیتلاعاتی ئێراندا هاتووە: ئەو بەڵگەو سەنەدانە پێشاندەری داکۆکیی وڵاتانی کۆنەپەرستی عەرەبی لەئەنجامگرتنی کردەوە تیرۆریستییەکان لە ئێران و بەرنامەی ئەو تیمە بۆ ئەنجامدانی چەند هەوڵی تیرۆریستی لە پارێزگای کرماشان پێشان ئەدات.

پێشتر "مەحمود عەلەوی" وەزیری ئیتلاعاتی ئێران ڕایگەیاند: لە بیستی مارسی٢٠١٧ـەوە هەتا بیستی مارسی٢٠١٨، بەهەوڵی هێزە ئاسایشییەکان، ٣٠٠تیمی تیرۆریستی لە ئێران لەناوبردراوە.

Oct 13, 2018 19:02 Asia/Tehran
بۆچوونت