• سەردار سەلامی: گەلی ئێران بەردەوام ھەڕەشەی دوژمنی کردووە بە ھەل

جێگری سەرکردەی گشتیی سپای پاسدارانی شۆڕشی ئیسلامی وتی: گەلی ئێران بە دەستەڵات و توانایی خۆی لە ناوچەکەدا ھەتاکو ئێستا ھەڕەشەکانی دوژمنی کردووە بە ھەل.

سەرداری سەرتیپ حسەین سەلامی شەوی پێنج شەممە لە وتووێژ لەگەڵ ئیرنا، وتیشی: خۆڕاگریی و کۆڵنەدانی گەلی ئێران لە بەرامبەر ھەڕەشەو گوڕەشەکاندا تەواوی گوشارو ھەڕەشەکانی دوژمن دەکات بە ھەل و دەرفەتێکی جوان بۆ گەلی ئێران.

جێگری سەرکردەی گشتیی سپای پاسدارانی شۆڕشی ئیسلامی ئەوەشی وەبیر ھێنایەوە کە: بە لوتفی ئیلاھی ھەتاکو ئێستا ھەلی باش بۆ بەھێزکرانی توانایی بەرەڤانی، سیاسی ، دەستڕۆییشتوویی ناوچەیی و گەشەی زانستی و سەربەخۆیی ئابووریی وڵات ڕەخساوە.

سەرداری سەرتیپ حسەین سەلامی وتیشی: لە داھاتوویەکی نزیک دا پەڕینەوە لە تەواوی گرفتە ئابووری و سیاسییەکانی ئێرانی دەستەڵاتدارو بەزینی زیاتری دوژمنان دەر دەکەوێت.

جێگری سەرکردەی گشتیی سپای پاسدارانی شۆڕشی ئیسلامی وتیشی: ڕەوشتی ئێستا بە قازانجی کۆماری ئیسلامیی ئێرانەو ھیچ نیگەرانیەک لە ئارادا نییە.

خولی دووھەمی بایکۆتەکانی ئەمریکا کە کەرتی نەوت و بانکی و ئاڵ و وێری بازرگانیی ئێرانی کردووەتە ئامانج، ڕۆژی پێنجەمی نوامبەر چووەتە واری جێبەجێ کردنەوە. بایکۆتگەلێک کە ڕاستەوخۆ سێرەی بۆ گەلی ئێران گرتووەو لەگەڵ ھیچ نەریتێکی ئاکاری و نێونەتەوەیی دا یەک ناگرێتەوە.

ھەنگاوەکانی واواەتر لە یاساو سەرزەوین و یەک لایەنەی داناڵد ترەمپی سەرۆک کۆماری ئەمریکا، دەربڕی ئەوەیە کە ناوبراو بە پێچەوانەی ڕەوتی جیھانی دەجوڵێتەوە. بنەمای جوڵانەوەکانی ترەمپ سەرەڕۆیانەیەو دیارە بەردەوام کرانیشی مەترسییەکە بۆ تەواوی جیھان.

 

 

سەرپەیڤ

Nov 08, 2018 08:50 Asia/Tehran
بۆچوونت