Aug 14, 2019 17:21 Asia/Tehran
  • لاریجانی : پیلانی زایونییەکان لەمەڕ دابەشکردنی وڵاتانی ئیسلامی ھەرەسی ھێناوە

سەرۆکی مەجلیسی شورای ئیسلامیی ئێران وێڕای پیرۆزبایی کردنی ساڵگەڕی سەرکەوتنی حیزبوڵڵای لوبنان لە شەڕی ٣٣ ڕۆژەدا پێی داگرت: پیلانی زایونییەکان لەمەڕ دابەش کردنی وڵاتانی ئیسلامی ھەرەسی ھێناوە.

عەلی لاریجانی سەرۆکی مەجلیسی شورای ئیسلامیی ئێران ڕۆژی چوارشەممە لە پەیامگەلێکی جیاجیادا بۆ نەبیە بڕی سەرۆکی مەجلیسی لوبنان و سەیید حەسەن نەسروڵڵا سکرتێری گشتیی حیزبوڵڵای لوبنان، وێڕای ئاماژە کردن بە شکانی پۆرتی درۆینەی ڕژێمی داگیرکەری قودس لە شەڕی ٣٣ ڕۆژەدا وتیشی: ئەم سەرکەوتنە بەرھەمی تەگبیرو ڕێبەرایەتیی ڕەوتی خۆڕاگری و ھێزی ئیمان و جیھاد و فیداکاریی خەباتکارانی حیزبوڵڵا بووە.

لاریجانی ھەروەھا بە ڕاگەیاندنی پشتگریی دووبارەی کۆماری ئیسلامیی ئێران لە ڕەوتی خۆڕاگری لە بەرامبەر ڕژێمی زایونی پێی داگرت: پیلانی سەودای سەدە قەت ناتوانێ ئاواتی دەست درێژکارانەی زایونییەکان وەدی بێنێ.

شەڕی ٣٣ ڕۆژەی نێوان لەشکریانی ڕژێمی زایونی و ھێزەکانی حیزبوڵڵای لوبنان لە ژوئیەی ٢٠٠٦ دەستی پێ کراو لە ١٤ی ئوتی ھەمان ساڵ دا بە سەرکەوتنی حیزبوڵڵای لوبنان کۆتایی ھات.

ڕژێمی زایونی لە شەڕی ٣٣ ڕۆژەدا بە شکست ھێنان و لێکەوتنی زیانێکی قورس لەم شەڕەدا پاشەکشەی کرد.

بۆچوونت