• ئەردوغان: کۆماری تورکیا درێژەپێدەری ئیمپەراتۆری عوسمانییە

سەرۆکی تورکیا لە ڕێ وڕەسمێک دا ڕایگەیاند: کۆماری تورکیا درێژەپێدەری ئیمپەراتوریی عوسمانییە.

بەپێی ڕاپۆرتی هەواڵدەریی ئاناتۆلی، رەجەب تەیب ئەردوغان  سەرۆکی تورکیا لە ڕێ وڕەسمێک دا بەبۆنەی  سەد ساڵەبوونی کۆچی عەبدولحەمیدی دووەم، یەکێک لە پادشاکانی عوسمانی وتی : حکومەتی کۆماری تورکیا لە درێژەی حکومەتەکانی ڕابردوو وڵاتمان و هەروەها درێژەپێدەری حکومەتی عوسمانییە.

ئەردوغان  کە سیاسەتەکان و کردەوەکانی لە ناوچە بەتایبەتی دەستدرێژکاری بۆسەر خاکی دراوسێکان لەوان دەستدرێِ وڵاتەکەی بۆسەر سوریا ، بەرەوڕووی ناڕەزایەتی  بەربڵاوی ناوچە و جیهان بووەتەوە وتی : لەم ساڵانەدا سنوورەکانی وڵات و شێوازی دەوڵەتەکانمان  گۆڕدراوە  بەڵام بنەمای هەموو حکومەتەکان، زۆرێک لە دامەزراوەکان، وەکوو یەکە .

ئەم قسانەی ئەردوغان بووەتە  هۆی نیگەرانی لێکۆڵەران کە بەرلەمە وتبوویان  ئەردوغان لە چوارچێوەی  بووژاندنەوەی ئیمپەراتوری عوسمانی، زۆرێک لە هەوڵەکانی ناوچەیی ئەنجام دەدات.

Feb 11, 2018 16:57 Asia/Tehran
بۆچوونت