• پارلمانتاڕێکی باژێڕی ئامەدی تورکیا : حکومەتی تورکیا دەوڵەتی شەڕی پێکهێناوە

پارلمانتارێکی ئامەد لە پەرلەمانی تورکیا وتی : حکومەتی تورکیا دەوڵەتی شەڕی پێکهێناوە.

بەپێی ڕاپۆری هەواڵدەریی کوردپرێس، هۆشیار ئوزسوی، نوێنەری دیاربەکر لە پەرلەمانی تورکیا سەر بە پارتی دیموکراتیکی گەلان بەپێداگری لەسەر ئەوەی کە رەجەب تەییب ئەردۆغان سەرۆک کۆماری ئەو وڵاتە بە پێکهێنانی حکومەتی نوێ، حکومەتی شەڕی پێکهێناوە، وتی: زەخت و گوشارەکانی حکومەتی ئەردۆغان لەخولی نوێدا لەدژ ئۆپۆزسیۆن زیاتر دەبێ.

هۆشیار ئوزسوی، نوێنەری دیاربەکر لە پەرلەمانی تورکیاو ئەندامی گرووپی پەرلەمانیی تورکیا لە ئەنجومەنی هاوکاری و ئاسایشی ئوروپا هەروەها وێڕای ڕەخنەگرتن لە ئامادەبوونی سلێمان سویلو و خلوسی ئاکار لە کابینەی نوێی حکومەتی تورکیا وتی: ئەوەی خویاو ئاشکرایە ئەوەیە کە حکومەتێکی شەڕ پێکهاتووە. بەبڕوای من زەخت و گوشار لەدژ ئۆپۆزسیۆن لەتورکیا تادێ زیاتر دەبێ.

نوێنەری دیاربەکر لە پەرلەمانی تورکیا هەروەها وتی: توندوتیژیی لە تورکیا تادێ زیاتر دەبێ. لەبارەی پرسی کوردەکان هەوڵ دەدرێ ئەو بابەتە بەمیکانیزمی ئاسایشی و بەکەڵک وەرگرتن لە فەکتەرە نیشتمان خوازیی و سەربازییەکان چارەسەر بکرێ. ئیدی کێشەی کوردان، بابەتێک نییە کە بە ئەردۆغان چارەسەر بکرێ.

Jul 13, 2018 17:36 Asia/Tehran
بۆچوونت