• درێژەی داکۆکیی هێزە خۆبەخشەکان لە حکومەتی ئێراق

سەرۆکی لیژنەی هێزە خۆبەخشەکانی ئێراق جەختی کرد لەسەر درێژەی پاڵپشتی و داکۆکی ئەو هێزانە لە حکومەتی ئێراق.

بەپێی ڕاپۆری ئەمڕۆ دووشەممەی هەواڵدەریی تەسنیم؛ فالح فەییاز، سەرۆکی لیژنەی هێزە خۆبەخشەکانی ئێراق لە ڕێوڕەسمی حەوتەی سەرکەوتن لە بەغدای پایتەختی ئێراق، هێزی حەشدی شەعبی بە وانەیەکی مێژوویی زانی بۆ سەلماندنی چالاکیی و جم و جۆڵی گەلی ئەو وڵاتە لە وەڵامدانەوە بە بانگەوازگەلی ڕاست بێژانەو وتی: حەشدی شەعبی بۆ فیداکاری دامەزراوەو لەداهاتوودا هێزە خۆبەخشەکان، ڕێک دەخرێن هەتا لەژێر چاوەدێری سەرکردایەتی گشتیی هێزە چەکدارەکان، لایەنگر، پارێزەر و پشتیوانی حکومەتی ئێراق بن.

فردەوس عەوادی ئەندامی فراکسیۆنی دەوڵەتی یاسا لە پەرلەمانی ئێراق پێشتر ڕایگەیاندبوو؛ حەشدی شەعبی جگە لە ئاشکراکردنی پیلانی وڵاتانی بیانی لەوان عەرەبستان وئەمریکا، پیلانە ناوخۆییەکانیشی لەقاودا، ئەو پیلان و دهۆیانەی گرووپی تیرۆریستیی داعش بەرپرسی جێ بەجێ کرانی بوو.

هەروەها حەیدەر عەبادی سەرۆک وەزیرانی ئێراق بۆ داکۆکی لە هێزەکانی حەشدی شەعبی، هەموو کردەو جم وجۆڵەکانی دژ بە هێزە جەماوەرییەکانی بە درۆ و دەلەسەی دەم و دەزگە هەواڵگرییە جیهانییەکان زانی و ڕایگەیاند: ئەو هێزانە لەتەنیشت سوپای ئێراق وبەپاڵپشتی تواناکانیان، گرووپی تیرۆریستی داعشیان شکست دا.

سەرۆک وەزیرانی ئێراق دەی ژوولای ، هەواڵی ڕزگارکرانی بەتەواوەتی مووسڵ لەچنگ داعشی ڕاگەیاند.

Jul 17, 2017 15:57 Asia/Tehran
بۆچوونت