کۆبوونەوەی ڕێزگرتن لە مامۆستای بە ناوبانگی کوردی بێژی ئیلامی ، عەلیشاخان حەیدەری زادی ، لە تەلاری نەشمیلی شاری سەرابلەی شارستانی چرداولی ئیلام ئەمڕۆ چوارشەممە بەڕێوە چوو .

بەپێی ڕاپۆرتی کورد پرێس، لەم کۆبوونەوەیە  عەلی محەممەد  نیاکان  بەڕێوەبەری گشتیی فەرهەنگ  وئیرشادی ئیسلامی پارێزگەی  ئیلام  بەرهەمی عەلیشاخانی  بە  بێ وێنە وەسف کرد و وتی :  لە عەلیشاخان زۆرتر لە 42 دەفتەری شیعر بە قطعی  رحلی و بە خەتی نەستەعەلیق هاوڕێ لەگەڵ  نیگارکێشییەکانی  بە یادگار بەجێماوە  کە لە چەشنی خۆی دا لە نێو ڕۆژاوای وڵات  بێ وێنەیە  .

عەلیشا خان حەیدەری زادی  کوڕی  ئیلاهی خان  کەسایەتی بەناوبانگی  هۆزی  خزل لە ناوچەی زنجیرەی شاری چرداولە.

ناوبراو لە ساڵی 1320  لە دایک بوو  و توانی  لەسەردەمی حکومەتی  پەهلەوی بخوێنێت بەڵام هیچکات نەیتوانی  درێژە  بە خوێندن بدات  بەڵام  خاوەن توانایی بێ وێنە  بوو و خەتێکی جوانی بوو  .

ئەم شاعیرە بە ناوبانگە لە ساڵی 1382 کۆچی دوایی کرد  .

 

Apr 19, 2017 18:46 Asia/Tehran
بۆچوونت