لەساڵوەگەڕی چلەی راپەڕینی هەتاهەتایی وبەردەوامی ئیمام حوسێن(ع) داین.

لە نووسراوە مێژووییەکاندا وەها باس کراوە کە چل ڕۆژ پاش ڕووداوی عاشوورا، کاروانی بەجێ ماوی ئەم خەباتە خوێنینە لەڕێگای گەڕانەوە بۆ مەدینە ، بە مەڵبەندی کەربەلادا گوزەریان کردولەوێ لایان دا. لەوەهاڕۆژێکدا ئیمام سەجاد(ع) هاوڕێ لەگەڵ پووری واته حەزرەتی زەینەب(س) وێڕای باقی داغدارانی کارەساتی عاشوورا، لەسەر گڵکۆی شەهیدانی کەربەلا، شینیان گێڕا .

وێنەیکی جوان لە کەربەلا

دەگێڕنەوە کە جابری کوڕی عەبدوڵڵای ئەنساریش یاروسەحابەی بەڕێزی ڕەسووڵی نازداری ئیسلام(د.خ) لەم ڕۆژەدا چۆتە زیارەتی گڵکۆی شەهیدانی کەربەلا و لەلای بنەماڵە و خێزانی ئیمام حوسێن(ع) تازیه داریی کردووە.لە چلەی شەهیدانی کەربەلا بیرەوەریی ئەم کارەساتە دڵتەزێنە سەرلەنوێ زیندوو کرایەوە و تازیه داران ، مەرسیە و شێعری شین گێڕییان لەم بواره داخوێندۆتەوە.

لەم مەڵبەندە بوو کە شمشێرەکانی زۆردار بەسەر ئێمەدا داهاتنەوە. لێرە دابوو کە حسێنی کوڕی عەلی (ع) نەوەی پاکی پێغەمبەریان سەربڕی و گەرووی ساوای شیرەخۆرەیان بە تیری رق وقین هەڵدڕی . هەرلەم شوێنە دا بوو کە عەباسی کوڕی عەلی بۆ ئاوهێنان ڕۆیشت و ئیتر نەگەڕایەوە.ئەم کاروانە داغدارە سێ ڕۆژ لە کەربەلا مایەوە و لە پاش بەرپاکردنی تازیه داری و زیندوو کردنەوەی یادوناوی شەهیدانی کەربەلا بەرەو مەدینە گەڕانەوە.

 ئیمام حوسێن(ع) بەشێوەیەکی بەبڕشتانە پرسی مەترسیی لادانی وەبیر دەھێنایەوە و وەکوو لادان لە ڕێبازی سەرەکیی ئیسلام باسی لێدەکرد.

بەڕێزیان لە وەسیەتێکدا کە لەکاتی بەجێ ھێڵانی مەککە نووسیی دوای شایەتی دان بۆ تاکانەیی خودا جەختی کردووە کە: «و انی ما خرجت عشراً‌و لا بطراً و لا ظالماً ولا مفسداً» واتە: با تووشی ھەڵە نەبن، با پڕوپاگەندەچیەکان نەیەن و باسی ئەوە بکەن کە گوایە حوسێنی کوڕی عەلیش وەک ئەوانەی وا لەملاو لەولا بۆ بەدەستەوە گرتنی دەستەڵات یاخی دەبن ھاتووەتە مەیدان و بەنیازی پێکدادانە، با بزانن کە جوڵانەوەکەی ئێمە لەوشێوەیە نیەو جیاوازە. «بل انما خرجت ارید الاصلاح فی امة جدی» چونکو ناوی ئەم کارەی ئێمە چاکسازییە.

بەینۆلحەرەمەین - کەربەلا

ئیمام حوسێن(ع) دەڵێ: دەمھەوێ چاکسازیی لە حکومەت دا بەدیی بێنم و ئەمەش بابەتێکە کە پێشتر و ھەتا ئەو کاتە ئەنجامی نەگرتووە«بل انما اردت الاصلاح،‌انما خرجت ارید الاصلاح فی امه جدی» واتە: ئەم کارە چاکسازییەو ئەم چاکسازییەش تەنیا بەھۆی ڕاپەڕین و ڕاوەستانەوە مسۆگەر دەبێت.

ڕەنگدانەوەی جیهانی کۆنگرەی ئەربەعین

ساڵوەگەڕی چلەی شەهید بوونی ئیمام حوسێن(ع) لە هەموو لایەکتان سەرەخۆشی دەکەین.

 

Nov 09, 2017 10:54 Asia/Tehran
بۆچوونت