Jan 09, 2019 17:31 Asia/Tehran
  • چین ئامێرێک بۆ هه‌ست کردن به‌ بوومه‌له‌رزه‌ دروست ده‌کات

پێشکه‌وتنی ته‌کنه‌لۆژی ده‌توانێت هاوکار بێت له ‌ئاگادارکردنه‌وه‌ی مرۆڤ له‌ ڕووداوی بوومه‌له‌رزه‌ هه‌ر بۆیه‌ چین ده‌ستی داوه‌ته‌ دروست کردنی ئامێرێک بۆ هه‌ست کردن به‌و ڕووداوه‌.

ئاژانسی "سێجی تی ئێن" بڵاوی کرده‌وه‌ که‌ له ‌ئێستادا چین گه‌وره‌ترین و پێشکه‌وتووترین سیسته‌می وریاکه‌ره‌وه‌ی بۆ ئاگادارکردنه‌وه‌ی بوومه‌له‌رزه‌ له ‌جیهان دروست کردوووه‌ که‌ له‌لایه‌ن ئه‌ندازیارانی چینه‌وه‌ دروست کراوه‌.

ئه‌ندازیارانی چین بۆ ئه‌و مه‌به‌سته‌ زیاتر له‌ 15 هه‌زار سێنسۆریان له ‌ته‌واوی چین بۆ ئه‌و مه‌به‌سته‌ داناوه‌ و به‌ ڕاکێشانی وایه‌ر به ‌تۆڕێکه‌وه‌ به‌سراوه ‌و له ‌کاتی ڕوودانی بوومه‌له‌رزه‌ ئاگاداری ده‌دات.

سێنسۆره‌کان ده‌توانن پاڵس یا وریاکه‌ره‌وه‌ی ئه‌لیکترۆنیکی بۆ سه‌نته‌ری چاودێری و پاشان مۆبایلی به‌کارهێنه‌ر بنێن که‌ ئه‌مه‌ش خێراییێکی هاوشێوه‌ی ڕووناکییان هه‌یه ‌و زۆر خێراتر له ‌ڕوودانی له‌رینه‌وه‌ی وێرانکه‌ر له ‌ئاستی زه‌ویدا هۆشداری به‌ که‌سه‌کان ده‌دات تا ئاماده‌ بن.

ئه‌و سیسته‌مه‌ ده‌توانێت نامه ‌و په‌یامی خۆی به‌ که‌متر له‌ 2 چرکه‌ له‌ هه‌ر شوێنێکدا بێت بۆ به‌کارهێنه‌ر بهێنرێت که‌ ئه‌مه‌ش بۆ خۆ ڕزگارکردنی که‌سه‌که‌ کاتێکی گونجاو و باشه‌.

هاوشێوه‌ی ئه‌و سیسته‌مه‌ له‌ ژاپۆن ‌و که‌ناری ده‌ریاکانی ڕوژئاوای ئه‌مریکاش هه‌یه‌ به‌ڵام ئه‌وه‌ی چین پێشکه‌وتووتره‌.

سیسته‌مه‌که‌ نه ‌ته‌نیا جووڵه‌ی کیشوه‌ره‌کان دیاری ده‌کات به‌ڵکوو له‌رینه‌وه‌ی زه‌ویله‌رزه‌که‌ش پێده‌زانێت و له‌ ژێر چاودێریی وه‌زاره‌ته‌ په‌یوه‌ندیداره‌کانی چین له‌ ساڵی 2022دا به‌ ته‌واوی جێبه‌جێ ده‌کرێت.

بۆچوونت