May 20, 2020 15:04 Asia/Tehran
  • له‌ هه‌رێمی کوردستاندا حەڤدەھەمین پاڵه‌وانیه‌تیی شه‌تره‌نج به‌ڕێوه‌ دەچیت

ناوبژیوانی نێوده‌وڵه‌تی و لێپرسراوی ڕاگه‌یاندنی یانه‌ی شه‌تره‌نجی خانزاد جەختی کردووە:پاڵه‌وانیه‌تییه‌که‌ باوه‌ڕپێکراوه و له‌لایه‌ن یه‌کێتی شه‌تره‌نجی نێوده‌وڵه‌تی و له ڕێی یه‌کێتی شه‌تره‌نجی عێراقییه‌وه‌ چاودێری و سه‌رپه‌رشتی ده‌کرێت.

بە پێی ڕاپۆرتی ماڵپەڕی وشە، ڕۆژی سێشه‌ممە ١٩ی ئایار، «دیار حه‌مه‌ساڵح قادر» ناوبژیوانی نێوده‌وڵه‌تی و لێپرسراوی ڕاگه‌یاندنی یانه‌ی شه‌تره‌نجی خانزاد و سه‌رپه‌رشتی ناوبژیوانی پاڵه‌وانیه‌تییه‌کان له‌ یانه‌که‌ ڕایگه‌یاند، حەڤدەھەمین پاڵه‌وانیه‌تیی شه‌تره‌نجی ڕاپیتی خانزاد له‌ ڕۆژانی ٢٠ و ٢١ی ئایار که‌ ده‌کاته‌  ئەمڕۆ چوارشه‌ممە و سبەینێ پێنجشه‌ممە، ده‌ست به‌ کاره‌کانی ده‌کات.

بە قسەی ناوبراو، پاڵه‌وانیه‌تییه‌که‌ باوه‌ڕپێکراوه و له‌لایه‌ن یه‌کێتی شه‌تره‌نجی نێوده‌وڵه‌تی (fide) و له ڕێی یه‌کێتی شه‌تره‌نجی عێراقییه‌وه‌ چاودێری و سه‌رپه‌رشتی ده‌کرێت.

یانه‌ی شه‌تره‌نجی خانزاد کە ١٤ی ئاداری ساڵی ١٩٩٨ له‌ هه‌رێمی کوردستان دامه‌زراوه‌، به‌شداری چه‌ندان پاڵه‌وانیه‌تی نێوده‌وڵه‌تی و ئاسیا و ئه‌وروپا و عێراقی کردووه‌. ئەم یانەیە یه‌که‌ی کاڕگێری تایبه‌ت به‌خۆی هه‌یه‌و له‌ کوردستان زۆربه‌ی پاڵه‌وانیه‌تییه‌کانی شه‌تره‌نج له‌و یانه‌یه‌ ئه‌نجام ده‌درێن.

سەرپەیڤ

بۆچوونت