• تورکیا وەڵامی یەپەگە دەداتەوە

جێگری سەرۆک وەزیرانی تورکیا رایدەگەیەنێت، ئەنکەرە رێگە بە بوونی "ناوچەی تیرۆر" لە باکوری سوریا نادات و جەختیش دەکاتەوە لەوەی دەبێت ناوچەکە لەرووی پێکهاتەی نەتەوەیی وەکو خۆی بمێنێتەوە و گۆڕانی بەسەردا نەیەت.

نوعمان کورتولموش، جێگری سەرۆک وەزیرانی تورکیا لە کۆنگرەیەکی رۆژنامەوانیدا و وەک وەڵامێک بۆ وتەبێژی (یەپەگە) سەبارەت بە دروستکردنی بنکەیەکی سەربازی روسیا لە باکوری رۆژئاوای سوریا و راهێنانکردن بە شەڕڤانان، رایگەیاند؛ ئەنکەرە رێگە بە دروستبونی "ناوچەی تیرۆر" نادات بەتایبەتیش لە باکوری سوریا، کە مەترسی بۆسەر ئاسایشی تورکیا دروست بکات.

جەختی لەوەشکردەوە کە نابێت ئەو ناوچانە هیچ گۆڕانکارییەک لە پێکهاتەی نەتەوەییاندا بکرێت و دەبێت وەک خۆیان بمێننەوە. 

Mar 21, 2017 13:28 Asia/Tehran
بۆچوونت