سەرۆک وەزیرانی ڕژێمی زایۆنیستی شەوی یەکشەممە دوای بەرەوڕوو بوونەوە لەگەڵ ناڕەزایەتی بەربڵاو لە ناوخۆ و دەرەوەی ناوچە داگیرکراوەکان، ناچار بوو فەرمانەکەی خۆی سەبارەت بە داخستی دەرکەکانی مزگەوتی ئەقسا هەڵوەشێنێتەوە.

هێزی ڕژێمی داگیرکەری قودس لە ڕۆژی هەینییەوە بەپێی فەرمانی  بنیامین نتانیاهۆ دەرکەکانی مزگەوتی ئەقسای لەڕووی  نوێژخوێنانی فەلەستینی داخستبوو  .

ئەم هەوڵە دوژمنکارانەیەی نتانیاهو  ناڕەزایەتی بەربڵاوی لە بەیتولموقەدەس،ڕامەڵڵا و ناوچەکانی دیکەی فەلەستین بە دواوە بوو  .

لاوانی فەلەستینی شەوی یەکشەممە هەوڵیان دا  بە شکستی  گەمارۆی مزگەوتی ئەقسا بچنە نێو  مزگەوتەکە بەڵام هێزی زایۆنیست  بە لێدان لەوان  پێشیان بە ڕۆیشتنی ئەوان بۆ نێو مزگەوتی ئەقسا گرت .

هەزاران فەلەستینیش ڕۆژی شەممە نوێژی  مەغربیان لە نیزیکی مزگەوتی ئەقسا خوێند  .

داخرانی دەرکەکانی مزگەوتی ئەقسا  هەروەها بەرەوڕووی کاردانەوەی زۆرێک لە  کاربەدەستانی وڵاتانی ئیسلامی و نێودەوڵەتی لەوان وتەبێژی وەزارەتی دەرەوەی ئێران بووەوە  .

بەهرام قاسمی شەوی یەکشەممە  وتی :  هەوڵی ڕژێمی زایۆنیستی بۆ داخستنی مزگەوتی ئەقسا لەڕووی نوێژکەران ئیدانە دەکرێت  و بە پێچەوانەی بنەمای مافی مرۆڤە  .

هەوڵی پاوانخوازانەی ڕژێمی زایۆنیستی بەرامبەر بە قودس لەحاڵێکدایە کە ڕێکخراوی فێرکاری، زانستی و فەرهەنگی  نەتەوەیەکگرتووەکان یونیسکو  ساڵی ڕابردوو  بەپێی پەسەند کراوەیەک  هەرچەشنە  پێوەندی  مێژوویی و ئایینی و یان فەرهەنگیی جووەکان لەگەڵ پیرۆزگەکان لەقودس بە تایبەتی مزگەوتی ئەقسایان رەت کرد و مزگەوتی ئەقسایان بەشوێنێکی پیرۆز بۆ موسوڵمانان   وەسف کرد .

 

Jul 16, 2017 08:37 Asia/Tehran
بۆچوونت