• ئەنساروڵڵای یەمەن و پێداگرتنی لەسەر پێویستیی چوونەدەری بیانیەکان لەو وڵاتە

"مەهدی ئەلمەشات" سەرۆکی ئەنجومەنی باڵای ڕامیاریی یەمەن لەدیدار لەگەڵ "مارتین گریفیتس"ی نێردراوی ڕێکخراوی نەتەوەکان بۆ کاروباری ئەو وڵاتە، وتی: چوونەدەری بیانیەکان لە یەمەن پێویستە لەهەر بەڵگەیەک دا کە لە دانوستانەکانی داهاتوودا دەخرێتەڕوو تۆمار بکرێ.

بەپێی راپۆری کەناڵی ئەلمەیادین، ئەلمەشات دوێنێ دووشەممە لەو چاوپێکەوتنەدا وتی: هاوپەیمانیی دەسدرێژکار بۆسەر یەمەن سەرباری شەهیدکردنی "ساڵح سەماد" ئەندامی بزووتنەوەی ئەنساروڵڵاو سەرۆکی پێشووی ئەنجومەنی باڵای سیاسیی یەمەن و ئەنجامدانی تاوانی زۆر دەرهەق شارومەندانی مەدەنیی یەمەن ، لە ڕاگرتنی پەلامارەکانی جیددی نییە. ناوبراو ڕوو لە گریفیتس وتی: هیوادارم ئەنجامی ئەو سەفەر و چاوپێکەوتنە، کرانەوەی فڕۆکەخانەی نێودەوڵەتیی سەنعاو درانی مووچەی فەرمانبەرانی یەمەنی بێ و بەگەیشتنی یارمەتیی پزشکی و دەرمانییەکان، ئێش و ئازاری نەخۆشان، کەم بکرێ.

سەرۆکی ئەنجومەنی باڵای سیاسیی یەمەن پێی داگرت: هەربەوجۆرەی کە دەستی ئێمە لەسەر چەخماخەیە بۆ بەرەڤانی لە خەڵک و وڵات، لەهەمان کاتدا دەستمان بەرەو ئاشتەوایی ڕادەکێشین و ڕێکخراوی نەتەوەکان دەبێ بەرپرسایەتییەکانی لەهەمبەر خەڵکی یەمەن و هەوڵدان بۆ کەم کردنی ئێش و مەینەتیان جێ بەجێ بکات.

دەسدرێژکاریی سەربازیی عەرەبستان بۆسەر یەمەن تائێستا کوژرانی زیاتر لە١٤هەزار یەمەنیی بێتاوان و وێرانبوونی ئەو وڵاتەی لێکەوتووەتەوە. ساڵح سەماد ئەندامی بزووتنەوەی ئەنساروڵڵاو سەرۆکی پێشووی ئەنجومەنی باڵای سیاسیی یەمەنیش لە١٩ی ئاڤریلی٢٠١٨ لەهێرشی فڕۆکە جەنگییەکانی هاوپەیمانی بە سەرکردایەتی عەرەبستان بۆسەر یەمەن، شەهید کرا.

Jun 05, 2018 17:30 Asia/Tehran
بۆچوونت