ئادار 17, 2019 16:55 Asia/Tehran
  • ئەنساروڵڵای یەمەن : دڕندەکاری نوێ لە سەنعا نیشاندەری لاوازی و بێ دەسەڵاتی هاوپەیمانی سعودیایە

وتەبێژی بزووتنەوەی ئەنساروڵڵای یەمەن وێڕای شەرمەزارکردنی دڕندەکاریە نوێ کەی هاوپەیمانی سعودی - ئیماراتی لە سەنعا وتی : ئەو دڕندەکاریە نیشاندەری لاوازی و بێ دەسەڵاتی هاوپەیمانی دەستدرێژکارە.

فڕۆکە جەنگییەکانی هاوپەیمانی دەستدرێژکاری سعودی ڕۆژی پێنج شەممە ، سەنعای پێتەختی یەمەنیان بوردومان کرد  . 

وەزارەتی  تەندوروستی یەمەن ڕایگەیاند لەبەر ئەم پەلامارنە شەش کەس کوژران و حەفتا و یەک کەس  کە بیست و حەوت کەس لەوان منداڵن ،بریندار بوون.

محەممەد عەبدوسەلام  وتەبێژی بزووتنەوەی ئەنساروڵڵای یەمەن وتی : وەبەر پەلامار کەوتنی یەمەنییەکان لە مانگی پیرۆزی ڕەمەزان و دوای ئۆپراسیۆنی سوپای یەمەن و ئەنساروڵڵا بە دژی یەکێک لە دامەزراوەکانی لوجستیکی دوژمن، دەسەلمێنێ   کە دوژمن لەباری سەربازی، سیاسی، ئەخلاقی و میدیایی ، شکستی خواردووە.

سوپای یەمەن ڕۆژی  سێ شەممە بە حەوت فڕۆکەی  بێ فروکوان دوو وێستگەی پۆمپاژی نەوت سەربە کۆمپانی ئارامکۆی عەرەبستانی سعودی داوەتە بەر پەلامار .

عەبدوسەلام وتیشی: یاساگەلێک کە جیهان بە پێی ئەوە لەگەڵ  یەمەن دەجووڵێنەوە مرۆیی نین و چەک گەلێک کە یەمەنییەکان بەوە دەکوژرێن، ئەمریکی و فەرەنسین.

عەرەبستانی سعودی و هاوپەیمانەکانی  لە مارسی 2015 و تێپەڕینی زورتر لە چوار ساڵ، کوشتنی هەزاران کەسی سیڤیل و وێڕان بونی ژێرخانەکانی یەمەن، لەبەر خۆراگری خەڵکی ئەم وڵاتە نەیانتوانی بە ئامانجەکانیان لە یەمەن بگەن.

 

سەرپەیڤ

بۆچوونت