• 20ی ڕەزبەر ڕۆژی ڕێزنان لە حافز

حافز؛ باڵیۆزی ئاشتی و دۆستایەتیی ئێران و جیهان

بیستەمی ڕەزبەر ڕۆژی ڕێزنان لە حافزە کە لەم ڕۆژەدا جێژن و بەرنامەی جۆراوجۆر لە شیراز و شوێنەکانی دیکەی جیهان بەڕێوە دەچێت.

شەمسەددین محەمەد شیرازی، شاعیر و حافزی قورئان، ناسراو بە حافز و بەناوبانگ بە لیسانۆلغەیب، لە ڕیزی گەورەترین شاعیران و هۆنەرانی ئێران و جیهانە

  ٢٠ی ڕەزبەر ڕۆژی ڕێزدانان بۆ حافزی شیرازی 

حافز لە سەرەتای سەدەی هەشتەمی کۆچی مانگی و لە ساڵی 727 لە شیراز لە دایک بووە.

بەهائەددینی باوکی بازرگان بووە و دایکیشی خەڵکی کازروون بووە. پاش کۆچی دوایی باوکی، شەمسەددین لای دایکی دەمێنێتەوە و لە هەڕەتی مێرمنداڵیدا ڕوو دەکات لە پیشەی نانەوایی. هەر لەو تافەدا دەبێتە هۆگری زانست و دەس دەکات بە خوێندنی وانە جۆراوجۆرەکان.

شەمسەددین محەمەد شیرازی، شاعیر و حافزی قورئان، ناسراو بە حافز و بەناوبانگ بە لیسانۆلغەیب

حافز هەر وەک لە نازناوەکەیدا دیارە، قورئانی لەبەر بووە و بە چواردە شێواز خوێندوویەتەوە.حافز هۆگریێکی بە گەشت و سەفەر نەبووە و چوونکە عەشقی شیرازی لە دڵدا بوو، ئەتوانین بڵێین هەتا مردن لە شیراز نەچووەتە دەر

دیوانەکەی حافز کە بریتییە لە 500 غەزەڵ، چەند قەسیدە، دوو مەسنەوی و چەن روباعی، تاکوو ئێستا پتر لە 400 جار لە شکڵ و شێوازی جۆربەجۆر بە فارسی و زمانەکانی دیکەی جیهان لە چاپ دراوە.

خاڵی جێی سەرەنج سەبارەت بە دیوانەکەی حافز باو بوونی فاڵ گرتنەوەیە لەسەر ئەم کتێبە کە هەڵبەت ئەم کارە نەریتێکی نوێ نییە و هەر لە کۆنەوە لە نێوان شارەزایانی شیعری حافزدا باو بووە و چوونکە لە هەر غەزەڵێکی دا لێکدانەوەیێک هەیە بە پێی حاڵی داواکار، بۆیە نازناوی "لسان الغیب"یان پێ بەخشیوە

ئارامگەی حافز لە شاری شیراز

شیعرەکانی حافزی شیرازی بە ئیلهام وەرگرتن لە فێرکارییە ئیسلامییەکان و واتا و بەها بەرزەکانی قورئان هۆنراوەتەوە.

ئەم شاعیرە بەناوبانگە ئێرانییە لە ساڵی 791 یان 792ی ک . م کۆچی دوایی کردووە. ڕۆحی شاد.

ئارامگەی حافز لە شاری شیراز و لە ناوچەی حافزیە لە کەشوهەوایێکی تەژی لە بۆنی گوڵ و جوانییەکانی، تێکەڵاوی سۆزی شیعر بووە

ڕێ و ڕەسمی ڕێزگرتن لە حافز لە شاری شیرازدا
Oct 12, 2017 10:46 Asia/Tehran
بۆچوونت