•  سێیەمین پیشانگەی تواناییەکانی گوندنشینان و عەشیرەکان لە تاران

سێیەمین پیشانگەی توانایی گوندنشینان و عەشیرەتەکان لە بەرواری پازدە هەتا هەژدەی ڕەشەمەی ساڵی 1396 لە پیشانگەی نێونەتەوەیی تاران بەڕێوەدەچێت.

ئەم پیشانگەیە  لە بەیانی ڕۆژی سێ شەمەوە لە شوێنی بەڕێوەچوونی پیشانگەی نێودەوڵەتی تاران دەستی بەکار کردووە.

لە سێیەمین پیشانگەی تواناییەکانی گوندنشینی و عەشیرەتەکانی 430 شار لە 31 پارێزگەی وڵات بەشدارن  . 

لەم پیشانگەیە  توانایی وبەرهەمی عەشیرەتەکان خراوەتە بەر چاو و ژورگەلێک بۆ ستارپ ئاپەکانی گوندنشینیش  لەبەر چاو گیراوە  . 

بۆبەڕێوەچوونی  ئەم پیشانگەیە 1300 کەس چالاکی دەکەن  کە سەتی بیستیان ئافرەتی گوندنشینن.

لەم پیشانگەیە کە هەتا ئێوارەی ڕۆژی هەینی  درێژەی  هەیە  کۆمەڵگەی گوندنشینان و عەشیرەتی وڵات بە خستنەبەرچاوی توانایی و دەستهاتەکانیان ، ژیانی خۆیان لە ناوچەکانی گوندنشینی  و عەشیرەتەکان  دەخەنەبەرچاوی خەڵک  . 

ئەم پیشانگەیە هەمووساڵێ بە ئامانجی ناساندنی  دەوری گوند لە بەرهەمی نەتەوەیی و هەروەها ئاشنا بوونی  خەڵک لە گەڵ توانایی و بارستاکان لە گوندەکانی وڵات بەڕێوە دەچێت.

هەروەها لەم پیشانگەیە توانایی گوندیی پارێزگەی کوردستان  لە 13 ژوور و لە بواری جۆربەجۆر خراوەتە بەر چاو  . بەرهەمی کشت و کاڵ و ئاژەڵداری  ، پیشەسازی دەستکرد و بەرهەمی دەرمانی  و گیا دەرمانی لەم پیشانگەیە خراوەتە بەرچاو  . 

سێیەمین  پیشانگەی دەستهاتی گوندنشینان و عەشیرەتی وڵات  هەتا هەژدەی ڕەشەمە  لە شوێنی پیشانگەی  نێودەوڵەتی تاران بەڕێوە دەچێت و خەڵک  لە کاتژمێر  نۆی بەیانی هەتا پێنجی ئێوارە دەتوانن سەردانی ئەم پیشانگە سەرنج راکێشە بکەن .

 

Mar 07, 2018 20:20 Asia/Tehran
بۆچوونت