• سکاڵای پێنج ئەندامی ئەنجومەنی پارێزگەی کەرکووک

پێنج ئەندامی تورکمانی ئەنجومەنی پارێزگەی کەرکووک بە دژی جێگری سەرۆکی ئەم ئەنجومەنە سکاڵایان بۆلای دادگەی فیدراڵی ئێراق بەرزکردووە بە تۆمەتی هەڵکردنی ئاڵای هەرێمی کوردستان لەسەر بیناکانی دەوڵەتی لە کەرکووک .

رێبوار تاڵەبانی جێگری سەرۆکی ئەنجومەنی پارێزگەی کەرکووک وتی  : ئەندامانی تورکمانی  ئەنجومەنی پارێزگەکە لەبەر هەڵگرانی ئاڵای  هەرێمی کوردستان لەسەر بیناکانی ئیداری کەرکووک  سکاڵایان بە دژی بەرز کردەوە و ئەم کارەیان  بە نایاسایی زانی  .

بەپێی ڕاپۆرتی شەفەق نیوز، ئەنجومەنی پارێزگەی کەرکوک بەرلەمە  فەرمانی نەجمەدین کەریم پارێزگاری کەرکووک  سەبارەت بە هەڵکرانی  ئاڵای هەرێم بەسەر بیناکانی دەوڵەتی و دەروازەکانی  پارێزگەی  کەرکووکی لە تەنیشت  ئاڵای ئێراق پەسەند  کرد و  جێبەجێیان کرد.

لەگەڵاڵەیەک دا کە لە کۆبوونەوەی یەکی ئاڤریلی پەرلەمانی ئێراق پەسەند کرا، تەنیا ئاڵای ئەم وڵاتە لە پارێزگەی  کەرکووک   هەڵ دەکرێ و ئاڵای هەرێمی کوردستان لەم پارێزگەیە    دەهێنرایە خوارێ  .

لەحاڵێکدا کە دەوڵەتی ناوەندیی ئێراق لەسەر پاراستنی سەروەری نیشتمانی و یەکگرتوویی نەتەوە ئەم وڵاتە  پێداگری  دەکات، ئەنجومەنی پارێزگاری کەرکووک بیست و هەشتەمی مانگی مارسی ساڵی 2017 دەنگی دایە هەڵکرانی هەرێمی کوردستانی ئێراق هاوڕێ لەگەڵ ئاڵای ئێراق لە دامەزراوەکانی دەوڵەتی ئەم پارێزگەیە کە بەرەوڕووی کاردانەوەی دەوڵەتی ئێراق و تورکمانەکانی کەرکووک بووەوە.

Jun 18, 2017 09:49 Asia/Tehran
بۆچوونت