شوبات 22, 2018 16:44 Asia/Tehran
  • نەیاریەتیی تاقمە چەکدارەکان لە غووتەی ڕۆژهەڵاتی لە گەڵ ڕاگیرانی تێکهەڵچوونەکان

ناوەندێکی ڕووسیی چالاک لە بواری ئاشتیی نێوان لایەنە تێکهەڵچووەکان لە سووریا ناسراو بە ناوەندی حەمیمیم ڕایگەیاند: کەسانی چەکدار لە غووتەی ڕۆژهەڵاتی لە ڕیفی دیمەشق وەڵامی بە داخوازیەکان بۆ ڕاگیرانی تێکهەڵچوونەکان و چەک داماڵینیان نەداوەتەوە .

بە گوێرە ی  ڕاپۆڕتی   ئیسنا ؛  سەرلەشکەر یوری یفتشنکۆ ؛  سەرۆکی ناوەندی حەمیمیم  لە بەیاننامەیەکدا    ڕایگەیاند :  کەسانی چەکدار لە غووتەی ڕۆژهەڵاتی بە داخوازیە پەیتاپەیتاکانی  سەربازانی  ئێمە بۆ  ڕادەست کردنی چەکەکانیان و دەسپێکی  ڕەوتی وتووێژەکان  وڵامی ئەرێنیان نەداوەتەوە . ناوبراو وتیشی :  چەکدارەکان بە خەڵکی  سیڤیل  ڕێگا نادەن لە ناوچە بڕۆنە دەرەوەو دۆخی  مرۆیی لەو ناوچەیە  زۆر  مەترسیدارە .  سەرلەشکەر  یفتشنکۆ   ڕاشیگەیاند:   دیمەشق و گوندەکانی  دەورووبەری لە ڕۆژانی  ڕابردوودا ڕووبەڕووی  دەیان  پەلاماری بەهاوەن  بوونەتەوە . دیمتری پسکوف وتەبێژی  کرملین  بە گشتیی  تۆمەتەکان لە بواری  دەس هەبوونی  ڕووسیا   لە کوشتاری کەسانی  سیڤیل  لە غووتەی  ڕۆژهەڵاتی  ڕەت کردووەتەوە .  ناوبراو وتویەتی:  بەرپرسایەتی  بارودۆخەکە لە غووتەی  ڕۆژهەڵاتی  بە ئەستۆی  وڵاتانێکە  کە  پشتیوانی  لە  تڕۆڕیزم دەکەن . بە پێی هەواڵێکی  دیکە  ئەنجومەنی ئاسایش  ئەمڕۆ بە پێی داخوازی   ڕووسیا  کۆبوونەوەیەکی نائاسایی بۆ لێکدانەوەی  ڕووداوەکانی  غووتەی   ڕۆژهەڵاتی   بەڕێوە دەبات  لە حاڵێکدا کە   فەڕانسا   ئیتالیا   سووئید   و میسر خوازیاری  ئاگربڕی یەک مانگەی  خێران . ئانتونیو گوترێش  سکرتێری گشتیی  ڕێکخراوی نەتەوەکانیش داوای لە هەموو  لایەنەکانی هاوپەیوەند کردووە کە  چالاکی جەنگیی خۆیان  لە غوتەی   ڕۆژهەڵاتی  ڕابگرن و  ڕێگا بۆ گواستنەوەی  یارمەتیەکان بۆ ئەو ناوچەیە  بدەن .  ناوبراو  لە کۆبوونەوەی  ئەنجومەنی  ئاسایشدا  سەبارەت بە  ئاشتی و ئاسایشی  جیهانی  وتی :  بە توندی  لە ڕەنجی  دانیشتوانی   ئەو ناوچەیە  کە ژومارەیان  دەگاتە 400 هەزار کەس  نیگەران و ناڕەحەتم و ئەوان  لە" جەهەندەمێک دا لەسەر زەوی"  دەژین . نێردراوی  ڕێکخراوی نەتەوەکان بۆ سووریا هیواداریی دەربڕی  ئەنجومەنی ئاسایش  ڕەزامەندی دەرببڕێت  لە گەڵ بڕیارنامەیەک  کە کۆتایی بێنێ بە توند و تیژیەکان  لە غووتەی  ڕۆژهەڵاتی  ڕیفی  دیمەشق . ناوبراو لە هەمان حاڵدا وتی  : دامەزراندنی  ئاگربڕ لەو ناوچەیە  دژوار دەبێت .