• نەتەوەیەکگرتووەکان: دە هەزار ئاوارە لەبەر ئامادەبوونی داعش لە باشووری ڕۆژاوای سوریا

نەتەوەیەکگرتووەکان باسی ئاوارە بوونی نیزیکەی دە هەزار کەسی کرد لە باشووری ڕۆژاوای سوریا لەبەر درێژەی ئۆپراسیۆنی تیرۆریستی و رایگەیاند: ئەندامانی داعش پێش بە چوونەدەری خەڵک لەم ناوچانە دەگرن .

بەپێی ڕاپۆرتی کەناڵی جەزیرە، ستفان دوجاریک ڕایگەیاند: ڕێکخراوی نەتەوەکان  هەروا  ڕاپۆرتگەلێک لەبارەی  ئۆپراسیۆنی تیرۆریستی لە دەرعا و باشووری ڕۆژاوای سوریا وەردەگرێت.

دوجاریک وتی  : ڕاپۆرتەکان باسی ئاوارە بوونی نیزیکەی  دە هەزار کەس بەرەو دەرعاو قونەیتەرە  دەکەن  لەبەر ئەم ئۆپراسیۆنە تیرۆریستییە و ئەندامانی داعش مۆڵەتی چوونەدەری خەڵک لە باشووری ڕۆژاوای سوریا نادەن  . 

دوجاریک  وتیشی : نیزیکەی 234 هەزار ئاوارە لە دەرعا و قونەیتەرە دان کە پێویستیان بە خۆراک ویارمەتی پزیشکی و سەرپەنا هەیە.

ئەم قسانەی کاربەدەستی نەتەوەیەکگرتووەکان لە حاڵێکدایە کە ئەمریکا و هاوپەیمانانی  بەتوندی نیگەرانی شکستی تیرۆریستان لە سوریان و هەروا  درێژە دەدەن بە داکۆکی هەمەلایەنەیان لەوان.

قەیران لە سوریا لە ساڵی دووهەزارو یازدە لەلایەن تاقمە تیرۆریستییەکانەوە بەمەبەستی گۆڕینی هاوکێشەکانی ناوچە بە قازانجی ڕژێمی زایۆنیستی، دەستپێکراوە.

سەرپەیڤ

Jul 12, 2018 21:25 Asia/Tehran
بۆچوونت