کانونی یه‌که‌م 14, 2018 16:26 Asia/Tehran
  • دەیان کوژراو و بریندار لە تەقینەوەی عەفرینی سوریا

ماتۆرسیکلێتێکی بۆمب ڕێژکراو لەشاری عەف6رین لە پارێزگەی حەڵەبی سووریا تەقیەوە کە دوابەدوای ئەوە شەش کەس کوژران و دەیان کەسیش بریندار بوون .

بەپێی ڕاپۆرتی هەواڵدەریی فارس، ئەم تەقینەوە  کۆتایی شەوی پێنج شەممە لە شەقامی راجو لە ناوەڕاستی شاری عەفرین ڕووی دا.

عەفرین  لە دەستی هێزی تیرۆریستی سەر بە تورکیا دایە و لە ماوەی بیست و چوار کاتژمێری ڕابردوو ، پێنج تەقینەوە ڕووی داوە.

لەلایەکی دیکەوە هێزی دیمۆکراتیکی سوریا توانیان بەسەر شاری هەجین لە ڕۆژهەڵاتی دەیروزوور و بەسەر بەشگەلێک لە گوندەکانی بووخاتر و بووحەسەن  لەم ناوچەیە  دا زاڵ بن.

هێزی دیمۆکراتیکی سوریا لە دەی سپتەمبەری ساڵی 2018  ئەم قۆناخەی ئۆپراسیۆنی خۆیان بەدژی داعش  لە ڕۆژهەڵاتی دەیروزوور  و لە لێواری سنوورەکانی ئێراق دەست پێکرد  هەتا بتوانن داعش لەم ناوچانە وەدەرنێن.

مەزلوم کوبانی، فەرماندەی هێزی دیمۆکراتیکی کوردی سوریاش بەیانی ئەمڕۆ هەینی وشداری بە تورکیا دا و وتی : ئەگەر ئەم وڵاتە پەلامار بکاتە سەر باکووری ڕۆژهەڵاتی سوری، تورکیا بەرەوڕووی وڵامی قورسی  هێزی دیمۆکراتیک دەبێتەوە.

رەجەب تەیب ئەردوغان  سەرۆکی تورکیا ڕۆژی  چوارشەممە وتبووی : ئۆپراسیۆنی  ڕۆژهەڵاتی فورات کە لە ژێر کۆنترۆڵی  کوردەکانی باکووری ڕۆژهەڵاتی سوریادان،  لە ڕۆژانی داهاتوو دەست پێ دەکات  . 

دوای ئەوە  نەجدەت ئێنزو  جێگری سەرۆکی پەرلەمانی سوریا ڕایگەیاند: گەیشتنی هێزی تورکیا بۆ ناوچەکانی سوریا  نموونەی دەستدرێژی  بۆ سەر دەوڵەت و گەلی سوریا و بنپێکەڕی جاڕنامەی ڕێکخراوی نەتەوەکان و یاسا نێودەوڵەتییەکانە  . 

سوپای تورکیا لە دوو ساڵی ڕابردوو بە دوو ئپراسیۆنی سپەر فورات و چڵە زەیتوون بە ئامانجی بەرەنگار بوونەوەی هێزی  پەکەکە، ئەندامانی  پەیەدە، چوار کیلومەتر لە خاکی سوریا وشارەکانی باب ، ئەعزاز، جرابلوس و عەفرینی لەباکووری ئەم واتە داگیرکردووە.

دەوڵەتی سوریا بەجاران  بە داگیرکەر زانینی دەوڵەتی تورکیا لە پەلاماری سەربازی بۆسەر ناوچەی عەفرین و ناوچەکانی دیکەی باکووری سوریا،  داوای چوونەدەری سوپای تورکیا لە خاکی سوریایان کردووە.

سەرپەیڤ