Nov 06, 2019 17:39 Asia/Tehran
  • له‌ کوبانێ به‌ردبارانی هێزێکی هاوبه‌شی تورکیا و رووسیا کرا

هێزه‌کانی رووسیا و تورکیا، دوێنێ دووه‌م گه‌ڕی هاوبه‌شی سه‌ربازییان له‌ باکووری سووریا و له‌ نزیک کوبانێ ئه‌نجامدا، به‌ڵام له‌ لایه‌ن خه‌ڵکی ناوچه‌که‌وه‌ به‌ردباران کران.

هێزه‌ هاوبه‌شه‌که‌ی رووسیا و تورکیا، له‌ دووری حه‌وت کیلۆمه‌تر له‌ خۆرهه‌ڵاتی کوبانێ بوون و له‌ لایه‌ن هاووڵاتیانه‌وه‌ به‌ردباران کران.

هێزه‌ هاوبه‌شه‌که‌، به‌درێژایی 72 کیلۆمه‌تر و به‌ قوڵیی 5 کیلۆمه‌تر له‌ سنووری تورکیا سووڕانه‌وه‌.

خه‌ڵکی کوبانێ له‌ سه‌ر رێگه‌ی سه‌ره‌کی هێزه‌که‌ وه‌ستان و به‌ردبارانی ئۆتۆمبێله‌کانیان کرد و هۆتافیان له‌ دژی سوپای تورکیا و رووسیا کێشا.

سه‌ره‌ڕای بڵاوبوونه‌وه‌ی گرته‌ی ڤیدیۆیی رووداوه‌که‌، به‌ڵام وه‌زاره‌تی به‌رگری رووسیا ره‌تیکرده‌وه‌ هیچ رووداوێک روویدابێت.

گه‌ڕی یه‌که‌می هێزه‌کانی رووسیا و تورکیا، رۆژی هه‌ینی رابردوو، له‌ ناوچه‌ی دربێسی ئه‌نجامدرا.

بۆچوونت