نادیار بوونی چارەنووسی نزیکەی 20 ئاگر کوژێنەوە لە ڕەوتی ئاگرکەوتنەوەو ڕووخانی بینای پلاسکۆ
جەلال مەلیکی وتەبێژی ڕێکخراوی ئاگرکوژێنەوە و ڕاژەکاریی ئاسایشتیی تاران ڕایگەیاند : لە بارەی چارەنووسی نزیکەی 20 کەس لە ئاگر کوژێنەوەکان کە بۆ فریاکەوتنی خەڵک چووبوونە ناو بینای پلاسکۆ هێشتا زانیاریەک لەبەر دەست دا نیە
لە هەمان حاڵدا " موحەمەد باقر قالیباف " شارەوانی تارانیش شەوی هەینی لە کۆڕی پەیامنێراندا جەختی کرد هەموو هەوڵی ئاگرکوژێنەوەکان لە ڕووداوی ڕووخانی بینای پلاسکوی تاران ، چۆڵکردنی بیناکە بوو و ئەگەری ئەوەی کە جگە لە ئاگر کوژێنەوەکان کەسێک لە ژێر دارو پەردوودا مابێتەوە کەمە . قالیباف وتیشی : دەر هێنانی ئەوانەی وا لە ژێر دارو پەردوودا ماونەتەوە کارێکی زۆر دژوارە بەڵام ئەو کارە بە بێ هیچ وچانێک درێژەی دەبێت . لە هەمان حاڵدا سەردار سەرتیپ " حسەین ساجدی نیا " فەرماندەری هێزی ئینتزامیی تارانیش وتی: پولیس لە پاڵ هێزە فریا گوزارەکاندا ئامادەیە و بڕێک لە بانگەشەکان لە فەزای مەجازیدا لەمەر ئەگەری بۆمب نانەوە لە ڕووداوی ڕووخانی بینای پلاسکۆ بە هیچ لەونێک ڕاست نیە . سەرلەبەیانیی ڕۆژی پێنجشەمە ڕووداوی ئاگرکەوتنەوە و ڕووخانی بینای پلاسکۆ لە شەقامی جمهوری ئیسلامیی تاران بووە هۆی بریندار بوونی ژۆمارێک لە شاروومەندان .