شوبات 23, 2017 19:08 Asia/Tehran
  • سەرلەشکر باقری : هێزی چەکداری ئێران  بەتەواوەتی جم و جۆڵەکانی ناوچە کۆنترۆڵ دەکات

سەرۆکی ئەرکانی گشتیی هێزە چەکدارەکانی کۆماری ئیسلامیی ئێران وێڕای ئاماژە دان بە بانگەشەو قسە دژە ئێرانیەکانی ئەم دوایەی کاربەدەستانی هەندێ وڵاتی ناوچە وتیشی : قسەی بێ بنەمای ئەو کەسانە نیشاندەری دواکەوتوویی لە هەڕەشەکردن لە گەلی ئێرانە .

سەردار سەرلەشکر محەممەد حسێن باقری  سەرۆکی ئەرکانی گشتیی هێزە چەکدارەکانی کۆماری ئیسلامیی ئێران ڕۆژی پێنج شەممە  هەروەها وتی : هێزی چەکداری ئێران وشیارە و بە ئامادەیی تۆکمەوتەواوەوە کۆنترۆڵی هەموو ناوچەی بە دەستەوەیە  .

سەروکی ئەرکانی گشتیی هێزە چەکدارەکانی کۆماری ئیسلامیی ئێران بە ڕاگەیاندنی ئەمەی کە  هیچ چەشنە نیگەرانییەک لەباری ئاسایشی نیشتمانی نییە ، وتیشی : لەسەر هەوڵی  هێزە چەکدارەکانی ئێران وەک ڕابردوو ڕۆژانێکی  هێور لە داهاتوودا بەرەوڕوومانە.

سەرۆک کۆمار  و وەزیری دەرەوەی تورکیا و هەروەها وەزیری دەرەوەی عەرەبستان لە ئیدیعایەکی بێ بنەما و قسەکانی دژە ئێرانی، تارانیان بە دەستێوەردان لە کاروباری وڵاتانی ناوچە تۆمەتبار کردووە.

ئەمەش لەحاڵێکدایە کە قەیران لە سوریا و ئێراق بە پەلاماری بەربڵاوی تاقمەکانی تیرۆریستی کە لەلایەن ئەمریکاو عەرەبستان و تورکیا و هاوپەیمانەکانیان داکۆکیان لێ دەکرێت، دەستپێکراوە.