شوبات 24, 2017 16:04 Asia/Tehran
  • زەریف : هەڵوێستی چەوت و هەڵە هۆی قەیرانی تەپ و تۆز و کەم ئاوی  لە ناوچەکەیە

وەزیری دەرەوەی کۆماری ئیسلامیی ئێران وتی : هەڵوێستی چەوت دەبێتە هۆی سەرهەڵدانی بیابان و قەیرانی تەپ و تۆزو کەم ئاوی لە گشت ناوچەی ڕۆژهەڵاتی ناڤین .

بەپێی ڕاپۆرتی ئیرنا، محەممەد جەواد زەریف  وەزیری دەرەوەی ئێران  ڕۆژی هەینی لە ڕێ وڕەسمی کرانەوەی شازدەهەمین پیشانگەی  نێودەوڵەتی ژینگە  لە تاران وتیشی :  یەکێک لە بوارەکان کە دەکرێت بواری متمانە نانەوەی ناوچەیی بێت و هەموو وڵاتانی ناوچە بێ سەرنج دان بە سیاسەتەکانیان پێویستیان پێیەتی، هاوکاری بە بواری ژینگەیە .

زەریف وتیشی :  هەموو دراوسێکانی ئێران دەبێ بۆ بەرەنگار بوونەوەی مەترسیگەلێک کە لە ڕابردووەوە لە لایەن ڕژێمە ستەملێکراوەکان لە ناوچە بەتایبەتی سەدام  و هەندێ تاقمی توندڕەو و تیرۆریست بە تایبەتی داعش بەسەر ژینگەی ناوچەیان سەپاندووە، هاوکارییەکی جیدی و  متمانە بەخش و پێویست  دەست پێ بکەن  .

ناوبراو وتیشی :  ئەم هەوڵە  نەتەنیا پێویستییەکی ژینگەییە بەڵکوو پێویستییەکی سیاسی و ئاسایشییە و  هیچ پرسێک بە قەدەر ژینگە پێویستی بەیارمەتی ، هاوبیروڕایی وهاوکاری کۆمەڵگەی نێودەوڵەتی نییە.

وەزیری دەرەوەی ئێران هیواداری دەربڕی  بەم زووانە هەوڵی بەگشتی لە بواری ژینگە ، ئابووری و سرینەوەی هەژاری، ئاسایش و بەرەنگار بوونەوەی توندڕەوی و تیرۆریزم لە جیهان ئەنجام بدرێت .

شازدەهەمین  پیشانگەی نێودەوڵەتیی ژینگە ئەمڕۆ هەینی بە دروشمی ئابووری کەسک، ئابووری خۆڕاگرانە، بە ئامادەبوونی بەشگەکانی ئێرانی و بیست  بەشگەی لە ئاڵمانیا، کۆریای باشووری، بەریتانیا، هۆڵندا، ئیتالیا، دانیمارک، چین، سوید، فەنلاند، نیوزیلەند، فەرەنسا، ژاپۆن، ڕووسیا، نەرویج و ئۆتریش  بۆ ماوەی چوار ڕۆژ لە تاران دەستی بەکار کرد .

وەزیری ژینگەی ئیتالیا ، قایم مەقامی وەزیری ژینگەی ئاڵمانیا، بەڕێوەبەری گشتیی ژینگەی یەکێتیی ئەورووپا ژومارێک لە پێکهاتەکانی ژینگەیی و هەندێ باڵوێز و دیپلۆماتی بیانی دانیشتووی تاران لە ڕێ وڕەسمی کرانەوەی ئەم پیشانگەیە  ئامادە ببوون.