فیستڤاڵی نەتەوەیی فەرشی دەستچن لە "تیکاب"ی ئێران بەڕێوە دەچێت
جێگری کاروباری بازرگانی و گەشەی ئەو بوارە لە ڕێکخراوی پیشەسازی و کانگاو بازرگانیی ئازەربایجانی ڕۆژئاوا ڕایگەیاند: فیستڤاڵی نەتەوەیی فەرشی دەستچن بە بەشداریی بەرپرسانی پارێزگاو هەموو وڵات لەپێناو بەدیهاتنی ئابووری خۆڕاگری لە شاری تیکاب بەڕێوە دەچێت .
بەپێێ هەواڵی کوردپرێس، محەمەد دێهقان وتی: ئەم مێهرەجانە بە ئامانجی بەدیهاتنی ئابووری خۆڕاگری و بەهێز کردنی ئاستی فەرشی دەستکرد لە شاری تیکاب بەڕێوە دەچێت.
ناوبراو وێڕای ئاماژە بەوەی مێهرەجانەکە ڕێکەوتی ١١ی گوڵان بەڕێوە دەچێت ئاشکراشی کرد: لە چالاکان و داڕێژەرانی فەرشی دەستکردی ناوچە کە لە بواری بەرهەم هێنان، پینەگەری، چلەکێشی، داڕشتن و دیزاینی فەرش و تەونەکەرەکان ڕێز دەگیردرێت.
دێهقان لە درێژەدا وتی هاوکات پیشانگایێکی فەرشیش لەگەڵ مێهرەجانەکە بەڕێوە دەچێت و ڕاشیگەیاند: لەم پیشانگایەدا ٢٥ تا ٣٠ ژووری بەرهەمهێنەرانی فەرش و پیشەکانی پەنادەستی فەرش دادەمەزرێن و پیشانگاکە تا ١٥ی گوڵان درێژەی دەبێت.
هەروەها لە کۆتاییشدا وتی: تیکاب وەکوو شارستانی پایلۆت لە بواری ئەبووری خۆڕاگری هەڵبژێردراوە و هەربۆیەش پیشانگای فەرش لەو شارەدا بەڕێوە دەچێت.