لاریجانی : حکومەتی عێراق دەبێ لە یەکپارچەیی خاکی خۆی بەرگری بکات
سەرۆکی مەجلسی شۆڕای ئیسلامیی ئێران گوتی : حکومەتی عێراق دەبێ لە یەکپارچەیی خاکی خۆی بەرگریی بکات تا لە داهاتوودا ، عێراقێکی بەهێزتر و ئەمن و دیموکراتیک لە ناوچەکەدا ببینین .
عەلی لاریجانی دوانیوەڕۆی یەکشەممە لە دیداری سەرلەشکەر عێرفان ئەلحەیالی وەزیری بەرگریی عێراق بە ئاماژە بە پێویستیی پاررێزرانی یەکیەتی نێوان گەل و حکومەتی عێراق ، جەختی کردەوە : یەکدەنگی و یەکڕیزیی نێوان گەل و هێزە چەکدارەکانی عێراق تواناییەکی باش بۆ عێراق بەدی دێنێ ، چونکە هەندێ وڵات بە دوای نانەوەی دووبەرەکی لە نێو خاکی عێراق دان و بابەتی هەڵوەشاندنی عێراق دێننە گۆڕێ .
سەرۆکی پەرلەمانی ئێران ، ئاماژەی کردە پیلانە نوێکانی ئیسراییل لە ناوچەکەدا و وتیشی : کۆماری ئیسلامیی ئێران هەروەک سەردەمانی بەرەنگاربوونەوەی ترۆریسم لە تەنیشت گەل و حکومەتی عێراق دا دەمێنێ و داکۆکی دەکات لە یەکیەتی تاقم و گروپە عێراقیەکان .
سەرلەشکەر عیرفان ئەلحەیالی وەزیری بەرگریی عێراقیش لەم دیدارەدا گوتی : گەل و حکومەتی عێراق هەرگیز داکۆکیی ئەو کەسانە لە بیر ناکات کە لە شەڕی دژی ترۆریستاندا ئەوانیان بە تەنیا جێ نەهێشت .
ناوبراو جەختی کردەوە : گەلی عێراق بە هیچ لایەنێکی سیاسی رێگای هەڵوەشاندنەوەی وڵاتەکەیان نادات ، چونکە سەرکەوتن لە بەرامبەر ترۆریستان پێناوداری خوێنی کوژراون بۆ پاراستنی یەکیەتی عێراق بووە .
