باڵوێزی سووریا لە تاران : خوێنی شەهیدانی خۆڕاگری، دەبێتە هۆی سەرکەوتن بەسەر تیرۆریستان دا
باڵوێزی سوریا لە تاران پێداگری کرد : خوێنی پاکی شەهید موحسینی حوجەجی و شەهیدانی دیکەی خۆڕاگری ، سەرکەوتنی ستراتژیک بەدژی تیرۆریزمی تەکفیری بە دی دێنێ.
شەهید موحسین حوجەجی کە لەلایەن ئەندامانی تاقمی تیروریستیی داعش لە سوریا بەدیل گیرابوو شەوی چوارشەممەی ڕابردوو لەلایەن ئەندامانی ئەم تاقمەوە شەهید کرا .
عەدنان مەحموود باڵوێزی سوریا لە تاران ڕۆژی شەممە لە پەیامێک دا بە بۆنەی شەهید بوونی موحسین حوجەجی ڕایگەیاند: بەرپرسایەتی تاوانکاری دڕندانە ی تیرۆریستەکان لە ناوچە بە ئەستۆی لایەنگرانی ئەوان لەوان ئەمریکا، وڵاتانی عەرەبی و هەندێ وڵاتی ناوچەیە کەلەباری ماددی و فیکرییەوە تیرۆریستەکانیان بەمەبەستی هاتنەدی نەخشەوپلانەکانیان بۆ تێکدان و پارچەپارچەکردنی ناوچە بۆ خزمەت کردن بە ڕژێمی زایۆنیستی پێکهێناوە.
عەدنان مەحموود وتیشی: دەستهاتی مەزنی بەرەی خۆڕاگری بۆشکست دانی تاقمە تیرۆریستییەکان لە سوریا، ئێراق و عەرساڵی لوبنان هەتا لەناوبردنی تۆکمەوتەواوی تیرۆریسم و شکستی پلانی لایەنگرانیان بەردەوام دەبێت .
سەردارسەرلەشکر قاسم سلێمانی فەرماندەی هێزی قودسی سپای پاسدارانی ئینقلابی ئیسلامیش لە پەیامێک دا وێڕای ڕێزگرتن لە یادوبیرەوەری حوجەجی وتی : هێزی خۆڕاگری ئیسلامی تۆڵەی ئەم کردەوە دڕندانەیە بە بڕیارێکی بەبڕشتانە کە بنبڕکردنی بناغەی وەهابیەت و تیرۆریزم لە جیهانە، دەکەنەوە.
محەممەد جەواد زەریف وەزیری دەرەوەی ئێرانیش لە پەیامێک دا وێڕای ئیدانە کردنی هەوڵی تیرۆریستەکان، یادوبیرەوەری شەهید موحسین حوجەجییان ڕێز لێ گرت .