ڕۆحانی: داعش و پشتیوانانی تیرۆریستان نموونەی بەرچاوی دواکەوتوویی و دووبەرەکی لە چاخی نوێدان
سەرۆک کۆماری ئیسلامیی ئێران بە ئاماژەبەوەی کە داعش و پشتیوانانی تیرۆریستان نموونەی بەرچاوی دواکەوتوویی و نیفاق لە چاخی نوێدان، راشکاوانە ڕایگەیاند: تیرۆریستان تەنیا هەر بە زمان بانگەشەی ئیمان دەکەن.
"حەسەن ڕۆحانی" شەوی هەینی لە دیداری یەکێک لە جانبازانی سەردەمی بەرەڤانیی پیرۆز لە تاراندا ڕایگەیاند؛ ئەگەر تیرۆریستانی تەکفیری لە ئێراق و سووریا دەسەڵاتیان گرتبایە دەست، ئیدی هیچ شتێک لە پلە و پێگەی و ئابڕووی ئیسلام نەدەمایەوە.
ڕۆحانی هەروەها بە ئاماژە بە فیداکاری و گیانبەخت کردنەکانی بەرگریکارانی حەرەمی ئەهلی بەیت (ع) پێی داگرت؛ ئەگەر ئەو فیداکاری و گیانبەخت کردنانەی بەرگریکارانی حەرەم نەبوایە نەک هەر ئێراق و سووریا بەڵکوو هەموو ناوچەکە دەکەوێتە مەترسیی تیرۆریزم.
سەرۆک کۆماری ئیسلامیی ئێران وتیشی: لە باروودۆخی هەنووکەی جیهانی ئیسلام، تەنیا هەر گیانبەخت کردن و فیداکاری دەتوانێ موسڵمانان ڕزگار بکات.