رۆحانی : تاران وڵامێکی گونجاو دەداتەوە بەوەی کە دەستدرێژکاری بکاتە سەر مافی ئێران لە هەنگاوی هاوبەش دا
سەرۆک کۆماری ئیسلامی ئێران جەختیکرد: تاران هیچکات دەستپێکەری بنپێکردنی ڕێککەوتنە نێو دەوڵەتییەکان نابێت بەڵام ئەگەر لایەنی بەرامبەر گەرەکی بێت بەرامبەر مافەکانی گەلی ئێران دەستدرێژکار بێت ، ئەوە دیارە ئێران وڵامی گونجاو و باشیان دەداتەوە .
بە گوێرەی ڕاپۆرتی ئیرنا ، "حەسەن رۆحانی" سەرۆک کۆماری ئیسلامی ئێران ئێواڕەی یەکشەممە لە کۆری بلیمەتان و لێهاتووانی ئێرانی دانیشتووی ئەمریکا، بە باسکردنی ئەوەی کە هەنگاوی هاوبەش لە مێژووی سیاسی ناوچەکە و جیهان بەردەوام زیندوو دەمینێتەوە وتی: خەڵکی ئێران لە درێژەی میژوو دا بەردەوام پێبەندی پەیمان وبەلێنی خۆیان بوونە و تاکاتێک کە لایەنی بەرامبەر پێبەندی پەیمان وبەلێنی بێت ، لەسەر پەیمانی خۆی دەمێنێتەوە .
سەرۆک کۆماری ئیسلامی ئێران بە باسکردنیی ئەوەی کە هەنگاوی هاوبەش ڕێککەوتنیکی چەند لایەنەیە بە پشتگری ئەنجوومەنی ئاسایشی ڕێکخراوی نەتەوەکان بەڕاشکاوی وتی: چوونە دەر لە هەنگاوی هاوبەش بە مانای بنپێکردنیی ئەرکی ڕوونی سیاسی دەولەتێکە و ئەوە بۆ کەسێک جێی شانازی نییە . ڕۆحانی هەروەها بە ئاماژە بە ئامادە بوونی لەسەدا ٧٣ خەڵکی ئێران لە هەڵبژاردنەکانی ١٩ مانگی مای ٢٠١٧ وتیشی: ئامادە بوونی زۆری خەڵک لە بەردەم سندووقەکانی دەنگ دان سەلماندی کە خەڵکی ئێران جەماوەرێکی گەشاوەن و هۆگری چارەنووسی خۆیان و وڵاتی خۆیانن . سەرۆک کۆماری ئیسلامی ئێران بەڕاشکاوی وتی: بەڕێوە چوونی ڕێ وڕەسمی سۆیندخواردنی سەرۆک کۆماری لە ئێران بە ئامادە بوونی ١٠٥ لیژنەی دەرەوەیی بە مانای ئەوەیە کە کۆمەڵگەی جیهانی ڕێزدەگرێت لە گەل، هەلبژاردنەکان و ئامادە بوونی خەڵکی ئێران . سەرۆک کۆماری ئیسلامی ئێران بۆ ووتاردان لە حەفتاو دووهەمین کۆگەی گشتی ڕێکخراوی نەتەوەکان سەردانی نیۆیۆرکی کردووە .